有一天，金紫荊與會展從香港地圖中消失。: 1.4

「如果我地唔玩呢？」華叔問道

「我地唔係想得到你地既同意，而係要知會你地，要講既我都講完，祝你地好運。」

說罷連線便立即中斷，剛才那個血淋淋的人頭仍在我的腦海中揮之不去。

我們到底做錯了什麼事情，要被迫和和這個恐怖組織玩這個遊戲呢？我已經不想再與他們玩下去，我很怕自己會成為被斬首的下一人。

「依家你地最好叫司長出黎認罪 如果唔係我怕佢會有危險，或者係香港某個商場會如佢地所講消失……」阿靜說道





「岩岩政府決定睇定d先，唔會要求司長做任何野……好對唔住大家，依個層面唔係我可以介入到，我只係小小既警司，政治既複雜我真係理唔到。」誠哥低下頭來，像為政府的惡行贖罪。

特別新聞報道：大埔超級城神秘消失，商場內估計幾百名市民同告失蹤，目擊者指出商場突然被閃光擊中後，便立即消失，不少市民相信此事與金紫荊與會展失蹤案有關連。

一個小時還沒有過去，為什麼新法則便把商場從香港地圖中移除？這班人是不時已經瘋了？或者他們已不懂得守承諾了。

此時傳真機傳來一份文件，上面附有一張圖片是司長收受一筆為數不少的現金。「到了這時候，他不但沒有為自己的罪行負責，還打算收受更多賄款，這種人是不可以辜息 別想再包疪他。」

「喂，立即打比你老頂，我要同佢講下。」華叔捉著誠哥的衣服。





「冇問題……我即刻幫你打過去……」

誠哥為我們接通了與局長的電話後，面有難色地看著我們，好像不想我們與局長溝通一樣。

「阿誠，政府計劃有變！特首決定唔再保會。司長要立即認罪，你叫特偵組既人盡快再同新法則既人談判！我地冇時間啦！」局長緊張地道。