有一天，金紫荊與會展從香港地圖中消失。: 8.1

「咁阿照佢同埋班士兵點解可以入去既？」我的疑問再次出現。

「佢地未正式入會，士兵只係工具而唔係會員，阿照係我地安排既?底所以血液入面唔會有我地既證明。」K先生解釋了所有事。

我們現在到底幫了一班什麼的人呢？我們什麼也不知道，我只知道紅龍會是他們口中的壞人，但新法則真的是絕對的好人嗎？

在我心目中已經有了答案，這班人是很可疑。

「咁你地可以放人未？依家有幾百條人命係你地手上，佢地既家人日日夜夜都擔心住佢地。」我說道。





「人，我可以同你地講佢地全部安全！但我地唔會放。」K先生的眼神露出了一絲的奸詐。

「點解你地唔肯放人！新法則係咁架咩！」我心中開始壓抑不住自己的怒火。

人命關天，新法則做這?多事，不是口口聲聲為了香港的福祉嗎？

「我要你地幫我手！只要你地事成，香港就會變番以前一樣！依班人都會完好無缺！」K先生笑道。

「咁你姐係威脅我地姐？」我說道。





「係！」K先生聲音轉為嚴肅。

阿照把我按了下來，笑了笑調和了當中的氣氛。

「佢地當然好樂意為你做事啦，華叔你話係唔係。」阿照聲音也顫抖著，看來他很怕k先生。

「好！我應承你地！但我要搵其他人幫手，你地唔可以過問。」華叔說道。

「好！冇問題，阿照等陣會同你地講解下一個行動，我有事先走。祝你地好運。」K先生慢慢步出了會議室。