有一天，金紫荊與會展從香港地圖中消失。: 8.2

K先生到底何得何能令全個組織都這樣尊敬他？依我看來他只是一個威脅別人做事的賤人而不是他們口中的義士。

阿照帶我們到另一個休息室休息，K先生走後他全個人也放鬆起來，說話也明顯較之前輕快。

「華叔，阿靜你地傷成點？仲有冇覺得痛？」阿照問道

「好番好多啦，都傷得唔重，唔該哂你！」華叔微微笑道。

「阿照，我想搵2個人幫手，你可唔可以即刻接佢地過黎。」華叔盯著阿照。阿照似乎沒有拒絕的能力。





「可以，之但係仲有咩人係可以幫到我地手？」阿照問道。

「誠哥果2個仔，我自細睇到佢地大，對佢地既能力有絕對信心。你跟住呢個地址佢就會搵到佢地。」華叔把地址交到阿照手上。

「我依家就叫人接佢地過黎。放心。」

「記著！唔好嚇親佢地，仲有唔可以透露誠哥已經死左既事，我怕佢地會失去理性，接受唔到。」華叔捉著阿照的手，這才是全件事的重點。

阿照命令手下盡快接誠哥2個兒子過來，我們就暫時放鬆下了，攤在休息室的沙發上。





縱使阿照暫時是我們的朋友，但友情已經變了質，他與我們多了一層利益關係，而不是單純的友誼。

阿靜，阿豪，阿文，華叔，我，誠哥，阿照。7個人去，最後只有5個人回來。

阿豪！我們還有阿豪。

「阿照，依家阿豪係邊？佢無咩事下話？」我問道。

「阿維，我地自己都未顧得掂，你做咩咁得閒理個25仔姐，佢抵死架！」阿靜怒道。