有一天，金紫荊與會展從香港地圖中消失。: 8.4

「你地仲有1日時間準備，需要咩野就同我地講，我地會盡量幫你!」阿照向華叔問道。 

華叔不耐煩地望著阿照，手指慢慢大力地敲打桌子。 

「我要同阿豪!係即刻!唔好同我講咁多籍口，唔好帶我遊花園!我唔想係呢度同你浪費時間。」 

阿照點了點頭，命士兵把阿豪帶到了休息室。 

阿豪被2名士兵押進來，雙眼被黑布所朦，雙手被反鎖在身後，口邊還有一絲絲血絲。 





華叔上前扶起了阿豪，士兵隨即阻止。 

「華叔，唔好意思，組織指明你地唔可以同任何犯人有接觸!」阿照出手阻止華叔再往前行。 

「你放心，我唔會變節既，佢講既野唔會影響到我，所以你同我放心，只係我當佢係仔一樣，先想睇下佢點。」華叔點出了阿照最擔心的問題。 

阿豪冷笑了一下。 

「唔好信佢……依班唔係好人黎，佢地一定會殺左你!佢地係紅龍會既人!」阿豪說道。





阿照激動得馬上揮拳打向阿豪的面，他應聲倒下。 

「你打我冇用架!記住啊華叔，依班同我一樣都唔係好人!你地一定要搵機會走!」阿豪說道。 

阿照命令士兵馬上帶走他!阿照的眼神差點就表現出想殺死阿豪。 

「華叔，佢已經痴左線，你地唔使聽佢講野，佢頭先講過咩野你地都唔好當真!」阿照緊張地道。 

阿豪的說阿照也是紅龍會的一人，到底他是說真話，還是想挑釁我們與阿照之間僅存的戰友關係?我們不得而知。 





我們面前只剩下一條路，就是盡量滿足新法則的要求，救人，完成所有任務後離開香港，到一個沒有人認識我的地方，過著和平而安靜的生活。