有一天，金紫荊與會展從香港地圖中消失。: 8.3

一次行動，2個組織使我失去了4位朋友，2位朋友死了，1位朋友背叛我們，另一位是正邪難分。 

假如我擁有時光機，我寧願回到過去，不加入特偵組，做一個普通的平民，寧願別人為我擔心而不是我擔心別人的安危。 

「我想見下佢!」華叔說道。 

「華叔啊……見佢做咩啊?我地自己都未顧得掂啦……」阿靜反了反白眼。 

「華叔，睇黎有少少難度……佢情緒有d唔穩定，同埋唔知佢會對你地做咩。」阿照不希望我們與阿豪接觸。 





「我想同阿豪見面，K先生講過會盡量滿足我地既要求，希望你盡量配合!」華叔堅持道。 

阿照面露難色，似乎有所顧慮。 

「好既華叔，我盡量幫你安排，但要等我同你地簡介埋下一步既行動先。」阿照示意手下播放投影片。 

投影片的畫面顯示為香港會議展覽中心的全圖，1樓有一顆紅點，似乎是儲放一些重要物品。 

「各位，下一步既行動係要偷走位於會展的龍壁，位置會展1樓建國書商。」阿照說道。 





「會展……?唔係消失左咩?我都點樣入到去1樓?」我問道。

「係你地入左去金紫荊廣場地下室既時候，新法則已經知道黎緊既書展，建國書商將會參展，佢地係屬於紅龍會背景既書商。我地要做既係偷走佢地帶黎既龍壁。」 

「我都唔係好明，做咩佢地會帶龍壁入黎會展依個咁唔安全既地方，佢地唔怕比你地偷咩?」我問道 

紅龍會是社會的精英組成，他們不會這麼愚蠢把重要的龍壁帶到書展這個人流複雜的地方。 
「龍壁有三陰二陽之分，之前我地係金紫荊廣場地下拎到的龍壁係陰龍壁，而依塊就係陽龍壁，陽龍壁要吸收一定既人氣先可以維持功效，所以每一次會展會大型活動都會有紅龍會背景的商人帶龍壁吸陽氣。」 

紅龍會理應知道是新法則變走了金紫荊廣場與會展，他們不會輕易中計，把龍壁送往書展。 





「照你咁講，依家會展同金紫荊廣場已經出現番係香港地圖上?所有野已經回覆正常?」我問道。 

「無錯，除左人之外，全部野回復正常!」阿照說道。 

新法則依然把數百條人命當作要脅我們幫手的工具，阿照已經不是我所熟悉的一人。