臨訓前的恐怖故事—《噩夢日記》（不定期更新）: 第16回 - 2015.X.X 平行世界III

「洗唔洗call call消防呀？」我話。

3人之中，Tommy是最有經驗，最老到的。佢話唔洗。少少野都call消防，警察咪好無L用？

係架啦，係無乜用架咋差人。

終於扭鬆左個門柄。我心裡一真在咒罵：「哇屌佢加左d咩落個門度咁鬼死實」

我順手掉鬼左個鉗，Tommy即刻伏在門邊，聽下入面先有乜動靜。都係無乜。





佢打打眼色，佢係最前面推門，我同另一個師兄Morrphus就係後面準備。

「我地而家開門！」Tommy一路講一路慢慢開門。

我由慢慢打開既門隙度望到入面，亂到不得了，好典型既劏房，衛生情況極差，地上有很多昆蟲和不知道什麼東西（希望不是屎）。我見到有對好白既男人腳，條友應該坐左係地下，有少少郁動，我諗佢應該未死。

門慢慢打開，我開始見到條友無著衫，成身都係血，唔知做緊乜，又發出d好痛苦咁既聲。

我本能地將手放係槍度。你知啦輔警邊有幾可掂槍，幾大都掂下先。





Morrphus話：「唔好緊張，唔洗用槍既」