門開哂,就見到個男人坐係地下,羅住個鉗係咁拔自己d牙,地下同佢個身上面已經有十幾隻牙,但奇怪地呢條友d牙好尖,唔係人類牙黎。

條友全身無毛,白到不得了,對眼凸哂出黎,門一開果下佢咁岩拔左隻牙出黎,d血咁岩就彈左係我身上

我一睇就知條友唔對路啦唔知點解,即刻羅槍出黎,對住兩個差佬叫:「羅槍!羅槍!」

佢地兩個見到個怪物都有d驚,但未至於羅槍,「你冷靜d先」

「條友好大力,你地唔羅槍陣間就出事」我話





隻野企起身,雖然拔左好多隻牙但仲係成口都係牙,流哂血咁向我地行埋黎

「你再向前我就開槍!」我話。

條友講唔到人話,發出d怪物咁聲,好嬲咁款。佢輕輕一撥就打林哂d架呀櫃呀乜乜物物。我都話佢好大力架啦。

tommy同morrphus見唔對路都羅槍出黎啦。我地3個係咁退後:「你再行前我就開槍」

隻野無理,仍然向前行。咁我就開槍啦!打中佢個身,竟然無血流出黎。





 怪物叫左兩聲,又想攻擊我地。之前既事記唔到咁清楚啦,兩個同事死定生我都唔知,我只記得呢一晚我地3個人支槍子彈全部用哂,我最後無事。

「..係咪人類黎?」我話。

隻怪物又白又無毛既額頭度有三個子彈孔,最後訓底係地下,臨死前笑住咁講左句人話:「...係呀」

就係咁呢隻成口尖牙,眼突,無無既怪物就咁死左,個夢都到呢度了。

這個夢境,我到現在回想起來仍然是非常清晰,非常真實。而且比起我其它夢境,無一個發生的細節都仔細得多。而且,更奇怪的是,另外兩個警察,正正是我在現實世界認識的人。其中一個,是警察。另一個,無業。





我本身對警察沒多大好感。但也沒有十分不喜歡那個做警察的朋友。但誰會知道,在平行世界中的我,就正好做了一個警察呢?

對了,後來發現那隻怪物有名字的,叫做SCP-957。有興趣的話請自行google,因為圖片實在太恐怖了,所以我不便貼出。至於這個來自美國的SCP-957為什麼會出現在我的夢境中,就只能問問那個正在做警察的「我」了。

晚安。


已有 0 人追稿