《新月派仙術奇譚》之《毒撚•女神•百鬼夜行》: 6. 仙氣

幾個小時後，大波蓮和家琪總算渡過了危險期，可是由於多處骨折，她們要留院的時間比木仔還要長。

九叔和波Sir都到了醫院，和木仔一起番看羈留病房的監控錄像。

在錄像的畫面裡，就在大波蓮出去煲煙後，那個帶著口罩的護士出現了。她跟軍裝大叔打過招呼後，大叔就放了她進去，然後他又繼續睡覺。

波Sir看到火起：「屌！守門口條契弟有無咁𨳍啊？條臭閪識噴迷煙㗎？！」

木仔心想：「你條肥𨳊平時對的囡囡咪又係一條狗公咁。大鑊喇，呢個護士就係我喺醫院大堂遇到嗰個鯊魚，都係唔好提起見過佢喇。」





鯊魚進去病房時，家琪正在睡覺，她觀察了一會兒後，家琪突然醒來了。一開頭鯊魚被嚇了一跳，但是，之後她們就聊起來了，鯊魚更用手機把過程錄影。

之後發生的，就是那場MMA的開打。

波Sir看到火起：「屌！原來條護士趁你哋一開波就撇𨶙左！」

看到最後眼巴巴看著黑貓無聲無息地離開，波Sir又爆過：「屌！嗰隻黑貓又嚟自出自入？！有無搞𨶙錯呀！」

九叔勸他說：「肥波，唔使咁嘮嘈，淨係影到條護士對眼，呢世都刮唔到佢出嚟啦，隻冤鬼又被隻黑貓擒左去，你哋可以case close喇。好囉，我返飯堂訓覺喇。」





九叔說罷，就站起來正欲離開之際，木仔按耐不住要爆了！他滿腹疑團，決定今晚誓要問個清楚：「九叔，外面咁多鬼行嚟行去又點搞呀？我之前從來無見過鬼㗎！點解嘅？」

九叔愛理不理，拋下一句：「唔使理佢哋嘅，以後你慢慢就慣嘎喇。」

木仔欲哭無淚，頻臨崩潰地叫喊：「吓？以後？！我唔想啊！」

波Sir都覺得問題嚴重，幫手求九叔說：「唔係喎，九哥，成日見鬼真係好𨶙慘喎，幫吓D世姪啦。」

本來已經轉身離開的九叔止住步伐，背對著他們輕嘆：「唉，我就係幫佢至會搞成咁囉。」





「點解嘅？點解嘅？係唔係喺Cafe爆炸嗰陣，『颯』一聲去左外面嗰吓嘢啊？」

九叔回來坐下，波Sir立即遞上一根煙並替他點火。

九叔吐出一口煙圈，搖搖頭，望著木仔說：「我用嘅係仙術，神仙個仙。爆炸嗰陣我用『天外飛仙』帶左你出去Cafe外面，順便將仙氣打左入你體內，你有仙氣護體先至無撞親咋。」

木仔馬上追問：「咁關見鬼咩事？」

「真係估你唔到⋯⋯一般人應該過一陣就會通過痾屎痾尿將剩餘嘅仙氣排出體外，但係你就打通左壬篤二脈，仙氣繼續在丹田產生，開眼見鬼就係最基本嘅現象。」

木仔繼續追問：「撻著左副偈，咁咪熄番匙囉。」

波Sir跟著講；「係囉，九哥，熄番匙囉。」

九叔笑著說：「可以，廢左你嘅內丹就得嘎喇，不過你會四肢癱瘓通埋腎虧咋嘛。」





「吓⋯⋯」

九叔搭著木仔肩膀說：「唔使吓喇，總之你以後記住，周圍嗰D鬼一般都無惡意嘅，只不過對生前D事比較執著啫，無必要就唔好搞佢地喇。」

「咁遇到呢次咁嘅冤鬼呢？」

「你談判組嘎嘛，傾得掂就最好啦，傾唔掂就用仙氣射佢囉。」

「點射呀？」

「喺丹田谷D仙氣上手指，用力必出嚟，新手用液體或者金屬幫一幫，好似過電咁會易D出嘅，即係你痾尿落鬼上身嗰條女度咁囉。」

木仔琢磨了一會，誠懇的說：「九叔，不如⋯⋯你收我做徒弟吖。」





九叔面色一沉，嚴厲地說：「我發過誓呢世都唔會再受徒弟嘎喇！講完！」

講完之後『颯』一聲就在波Sir同木仔面前消失了，只剩下一縷白煙。