《我愛上咗一個偷心賊》: 十九、奇怪

「唉...」我一手捂著自己的面

「仲有兩日先月尾...唉...」

我百無聊賴的走在街上，完全沒有錢吃晚飯，亦只能望梅止渴...

「阿熹？」有人拍一拍我膊頭

「嗯？」我轉頭見到有個女孩站在我身邊：「師姐？點解你喺度嘅？」





「我去咗買餸煮飯囉～」師姐舉起她手上裝住餸菜的袋：「嗱！睇下！」

「哦～係呀。」我眼定定望住師姐手上的餸菜

隱約見到袋裏面有魚、生菜、豬肉和豆腐，明明只是非常簡單的菜式，卻令肚餓多時的我忍不住吞口水，還有我最愛的豆腐

「咁你呢？」師姐收起手上裝着餸菜的袋，指着旁邊的麥當勞：「頭先見你一直喺度徘徊，企喺到唔入去啊？」

「因為...因為...」感覺把事實說出來有點樣衰：「有啲唔健康啊嘛...」





「嘩啊！」師姐捂住嘴巴浮誇地叫了一聲：「原來我地熹爺都會注重身體健康喎～」

「係啊！係啊！」

「咁我走啦～」

「哦...咁...再見。」

「再見。」師姐向我揮一揮手後便轉身離開





這時候我內心真的很掙扎：「頂，我快啲開口啦...，一陣師姐走咗就冇飯食㗎啦！」「開咗口咁咪好樣衰？！唔得～唔得！唔得！」

「師姐！」結果我還是耐不住飢餓：「呃...嗰個...」

「嗯？」師姐轉身側一側頭

「其實呢...我...」我緊張得滿面通紅

不知為何聽到我開口，師姐的面色跟我一樣變得緊張...

「係...無錢食飯...」把說話講出口，感覺整個人輕鬆了

只是師姐的面色好似有點失望，雖然只是短短的一剎但還是被我捕捉到了，奇怪...

「哦...咁你跟埋我返去啊！」師姐係我招一招手





「好啊！」我瞬間走到師姐身邊，笑笑口地說：「你知嗎！其實我餓左成日。」

「吓？！」師姐抿嘴一笑：「咁唔怪得你竟然會開口同我講啦～哈哈～原來餓左成日...」

「唔好笑我啦！」我按著自己的肚：「你知唔知肚餓真係好辛苦㗎～」

師姐加快了腳步，並且拉着我手臂

「咁我哋行快啲啦～」

就在此時，我感覺到有種異樣的感覺，我立刻停低望一望身後.....

「做咩啊？」





什麼都沒有，沒有出現什麼，但我清楚感受到一種來自別人傷心的情緒令我很不舒服，是有人哭嗎？

「阿熹？」師姐憂慮地看着我

「無...無嘢，睇錯野啫。」

「咁我地繼續行啦～」

「嗯！」

一路上沒有在發生什麼事，但那種感覺依然有點纏繞着我