《我愛上咗一個偷心賊》: 二十、

師姐捧着最後一碟餸菜出來

「好啦！最後一碟！」

枱上的餸菜先不說味道，光是擺相已經爆分，看着那慢慢冒出的熱氣，令飢餓已久的我再也忍不住

沒有顧及形象，只知道不斷塞滿自己嘴巴，不停食不停食

「嗯！否否食啊！」我未吞下口中的食物說



「慢慢食啦！」師姐遞了一張紙巾比我：「無人同你爭啊～」

我抹乾淨我的嘴唇，把嘴中的東西吞下後再說

「真係好好味！」我對着師姐舉起我的手指公：「絕對唔輸畀寧小小！師姐你第時一定係賢妻良母。」

師姐聽到後紅透整塊面

「咩...咩啊！我先唔係咩賢妻良母！」師姐叉住腰裝腔作勢：「我係老虎乸嚟㗎！唔....唔！」



只不過我的注意力始終離不開枱上的食物，太餓了

「嗯～～太好食啦～～」

「啊....唉～」師姐無奈地嘆一口氣：「都係掛住食嘢...」

不知是時間飛逝，還是我真的很餓，枱上的食物已經比我清空了

「嘩啊～」我一面幸福地摸着食太多而突出的肚腩：「未試過食完野之後可以咁滿足啊～」



「真係咁好食咩？」

「嗯！好食！」

「你鍾意就好啦！」

我們沒有說話，而是停了下來沉默

「熹。」

「嗯？」

「聽日星期日得唔得閒啊？」

聽到師姐呢一句，我深知他之後想說什麼，同時我勁莫名地有點生氣



「我係唔會再去醫院...」

我還未說完就被師姐打斷了

「啲小朋友都好掛住你！」師姐直直地望住我的眼，而我卻避開了：「逃避唔係辦法...」

本來氣氛不錯的飯局，瞬間跌到落冰點

「熹，一齊去啦。」

我亦明白逃避不是辦法，只是我不想記起那段回憶

「唉...，當係多謝你呢一餐」我大大地嘆了一口氣：「聽日我去啦...」