[港版無限流][長篇] 恐怖輪迴: 東土殺戳～擴建黃泉

「佢哋去做緊一個九死一生㗎任務，如果捱得過，佢哋就會正式成為我哋12號隊㗎正式隊員。」林軒平淡地說。

「哦？」凌天狐疑地看著林軒。

「咁宜家我哋點做？」喬欣問道。

「我哋以靜江府為根基，正式自立，脱離宋朝，然後直推中原。隊長繼續以神棍技能收買人心，李文就趁呢段時間重新建立一支不死軍。」林軒平淡道。

「乜唔係由海路進攻咩？」凌天問道。





「海路有其他人幫我哋。」林軒微笑地說。

*******

北平 汴京城門前

在面對京城的高大城牆，完顏昌一直愁眉苦臉地想著如何進攻。

「大帥，收到消息，冥界㗎軍隊已經全部開始返嚟北平。」身旁其中一名護衛説道。





「叫韓世忠佢哋做先鋒攻城，俾我哋睇下佢哋效忠大金嘅誠意。」完顏昌不耐煩地說著。

「但之前協議好，佢哋只係俾我哋入嚟，唔洗佢哋攻城。」那名護衛遲疑地說著。

「咁又點？」完顏昌冷笑地說「佢哋夠膽唔聽我命令，我即刻滅佢哋先。」

「報！」一名傳令兵突然跑來説道「禀大帥，韓世忠及其旗下將領尋晚深夜逃走，估計宜家已經離開咗北平。」

完颜昌聽後二話不說，拔出腰間戰刀，把傳令兵的頭顱斬下，大怒道「全部都係廢物！」





「咁大帥，宜家我哋……」身旁的護衛嚇得顫抖地問著。

完顏昌瞥了他一眼，沉聲地說「傳我命令，全軍攻城！」

*******

「終於開戰喇。」趙構平淡地説，問道「冥界嗰邊聯絡成點。」

「回大祭司，冥界嗰邊8百萬大軍已經集結完畢，預計10日後就可以抵達人間。」一旁的李公公低下頭，恭敬地說著。

「好！召集汴京入面所有士兵去城牆守城，京城外嘅冥界軍好快就到，到時唔好話拖延10日，出面批金兵可以有命返去都算好彩。」附身在趙構的大祭司笑著道「蚩武，你去秘密召集10萬童男童女去後山做祭品，作法擴建黃泉。童子血係黃泉之路㗎必需品，無論開啓定關閉都用得著，加多10萬鮮血，黃泉路就可以得以擴建，方便冥界軍隊即刻過嚟。」

「遵命！」秦檜恭敬地回應。

*******





在汴京城遠處的海岸停泊著一艘小船，那裏正坐著7名男女。

船上為首的少女正不斷地喃喃自語地説著「我唔係喪屍……我唔係怪物……唔係怪物……」

這名少女一邊說著，一邊走上岸，向皇宮方向走去。

其餘6名男女一臉迷茫然地看著她，然後跟那少女身後走著。

細看之下，這7名男女全都沒有穿衣服，而且全身灰色。

*******

在汴京皇宮後山的一處山洞。





「仲有3,4人就夠十萬，儘快同我揾夠人。」秦檜對一眾下屬呵斥著。

「係，殿下，但汴京城內已再冇童子，我哋已經連宮女同趙構嘅仔女都强行绑過嚟。」其中一名下屬低聲說道。

「咁仲洗我教？！京城冇就出去捉，如果捉唔到返嚟，你哋幾個就等住去冥界嘅煉獄大牢坐足3百年啦。」秦檜怒道。

聽到煉獄大牢四字後，那名下屬頓時臉色難看起來，無奈地說著「屬下遵命。」

說罷，眾人離開山洞，返回汴京。

秦檜看到下屬離開後，一臉低沉地罵著「如果唔即刻擴建，黃泉路頂多可以俾多10萬低級妖魔入嚟，高級戰士根本入唔倒，但偏偏就係喺呢個關節位揾唔到人！」

*******

汴京城的街道上





之前從山洞出來的一眾下屬正愁眉苦臉地巡視著。

「大佬，唔好話汴京，成個北平都唔見有童男童女，唔通真係要坐3百年煉獄？」其中一名作護衛打扮的下屬擔憂地問道。

「唉，盡力而為啦，宜家殿下好緊張呢次征途，因為呢場仗直接影響佢爭奪皇位㗎資格。」另一名同作護衛打扮的下屬哀歎道。

「嘈乜鬼，你哋幾個宜家快啲落力揾，如果坐3百年煉獄，出返嚟起碼要3千幾年時間先可以回復元氣，唔想咁嘅就快啲揾。」那名之前與秦檜對下屬不耐煩地說。

「大佬，望吓前面，可能我哋唔洗坐煉獄喇。」其中一名護衛興奮地說。

只見前方正正有7名男女在街上赤身行走着，而為首的一名少女卻護著雙胸，不斷地自言自語，不知道在說些甚麼。