「唉,可憐嘅新人。」李文搖了搖頭,跟著喬欣下馬車。

「蘇琳冇死到,啫係我滴精血有效?」凌天奇怪地暗道。

說罷,他也下了馬車,向林軒那邊走去。

林軒坐在馬車上睡覺,馬車下的林恩無奈地阻擋著正在大吵大罵的喬欣,而李文則在喬欣身後打著呵欠。

「林軒你條粉腸,又話派新人做任務,做咩佢哋會突然死曬㗎,你擺明逼佢哋去死!」喬欣指著林軒罵道。





林軒對喬欣的吵罵聲開始感到厭煩,無奈地站起來,說「大姐,我重覆咗好多次,佢哋係炮灰,完成唔到任務就冇資格做我哋隊員,做炮灰犧牲嚟幫我哋完成支線任務係好合情合理。」

「但你要佢哋殺趙構同秦檜,一聽就知係高難度任務,佢哋只係新人,你咁仲唔係逼佢哋去死。今日利用得佢哋,點知你會唔會利用埋我哋?」喬欣繼續罵道。

「會,我哋大家都係互相利用,你哋需要我嘅智慧,我需要你哋嘅武力。」林軒平淡地說著。

「你……」喬欣還想再罵時,林恩立刻把她拉走到其他地方。

見到林恩與喬欣走後,凌天似是而非地笑著問「好明顯你喺背後做咗好多嘢,宜家可唔可以同我哋講吓成件事究竟係點,呢個唔係疑問句。」





「冇,成件事其實好簡單。」林軒平淡地說「不過既然你哋想聽,講吓都無妨。」

「我喺新手任務入面㗎支線任務到除咗拎解藥外,唔小心拎多咗支藥水。」

「之後支藥水唔小心俾新人佢哋飲咗,佢哋飲完之後,血性大發,話想為12號隊盡忠,我受其感動,結果幫佢哋安排咗一個超好玩嘅支線任務。」

「個任務係咩就唔洗再講,我喺佢哋臨上路之前,喺佢哋個肚入面分別裝咗個上官林氏生産嘅獨家炸藥,俾佢哋可以高呼我教口號去打場聖戰。」

「結果聖戰打贏咗,佢哋成為咗我教烈士。」





三人沉默了一會,凌天笑著問「咁點解個個都死曬,得一個無死?」

「嗯,我估因為佢嘅信仰足夠虔誠,所以得到我教嘅真彿庇祐。」林軒看著凌天笑著說。

聽到此話後,凌天臉色沉了下來,冷冷地說「你陰我?」

「唔好講得咁難聽,我只係完成隊長你交低俾我嘅任務啫。」林軒不置可否地說。

「我交俾你嘅任務入面,好似冇叫你陰我。」凌天冷笑地說。

「你親口講明,保障核心成員性命為前提,利益最大化……手段任我。」林軒平淡道「結果我所有都做到。」

「我分開兩線作戰,最主要原因係提升李文,林恩同喬欣三個嘅實力。如果佢哋吓吓俾隊長你保護,之前嘅12號隊發生嘅悲劇好快又會重演一次。宜家佢哋三個都得到提升,仲賺倒唔少冥幣。」

「而我叫隊長你不斷用神棍技能傳教,係訓練你提升呢招嘅威力,喺拉攏韓雲同劉光世,甚至同秦檜交手嗰到,呢招都大派用場。」





「至於蘇琳點解冇死,係因為我冇放炸彈喺佢到,佢有潛力。當然有埋隊長你幫手,所以佢有8,9成機會冇變喪屍,而我就喺佢集中精力應付病毒嗰陣,用催眠術引導佢帶住其他新人去殺趙構同秦檜。」

「你講開我就扯火,你點解會知道我可以造陰兵軍團?」李文聽到林軒的話後,不滿地問道。

「我估啫,你上一個任務聽講就係用陰兵反殺對方一個隊員,既然可以造到一個陰兵,咁造多幾百個,幾萬個陰兵都應該唔成問題。」林軒平淡地說。

「咁好似又係…………呸,問題唔係呢到,之前面對咁多妖魔,萬一我造唔到啲陰兵出嚟咁點算?」李文繼續追問。

「咁係你問題,如果造唔出,啫係唔夠打,唔夠打你唔識逃走?」林軒一臉鄙視地反問。

李文無言。

「咁下一步我哋點做?」凌天白了一眼問道「我哋仲有主線任務未做。」





「去京城。」林軒平淡道「我之前寫過信俾韓世忠,叫佢引誘金人攻打汴京,只要佢哋一開戰,所有人間妖魔都會返去京城回防守護黃泉路。」

「所有妖魔都喺京城,我哋就唔洗再周圍走,追殺妖魔。佢哋雙方開戰,城入面嘅大部份士兵都去曬守城,方便新人暗殺趙構同秦檜。而我哋去到只要等金人同冥界班人鬼打鬼,到時坐收漁人之利就可以。」
已有 0 人追稿