孫揚聽到此話後,心中一窒,絞盡腦汁地想著脱身的方法,強自鎮定地說「今日…天氣真係熱,太陽曬到連遊樂場都冇人玩,我都係快啲巡完場……返去交差算。」

說罷,加快腳步向前行走,準備儘快離開這個地方。

「你再敢行前一步,我就將你剁成肉醬。」小女孩的聲音再次傳來,微怒地說著。

孫揚立刻停下腳步,轉頭看向女孩,哭喊地說「大佬……你想點呀?」

「我想你陪我玩。」小女孩再次說道。





「你……想……玩咩?」孫揚無奈地問著。

「你過嚟先,我再講俾你聽。」小女孩回答。

聽到此話,孫揚内心又一陣糾結,心中暗道「唔聽佢講,佢又話會郁我,但就咁過去,萬一佢突然發癫,我又會好危險。」

「我叫你過嚟呀。」小女孩再次命令道。

「一般得幾歲嘅細路女邊會咁講嘢呀,做戲都做全套啦,好嗎。」孫揚心中發狂地罵著,但臉上仍勉強堆著笑容,說「大姐,我仲要巡邏,唔係幾得閒,唔好令我難做啦。」





「我理撚得你得唔得閒,總之我要你宜家過嚟陪我玩,唔過嚟就係唔俾面我,我就會好嬲,寶寶生氣,後果很嚴重。」小女孩停止搖晃韆鞦,微怒地說著

「我頂你個肺呀,人仔細細就咁撚臭寸,就算做鬼都唔好咁撚過份喎。」孫揚心中早已破口大罵,但臉上仍勉強地笑著說「寶寶唔好生氣,哥哥宜家過嚟。」

「嗯,嘻嘻,哥哥真係好,既然哥哥咁好,寶寶要求啲咩,相信哥哥都會答應嘅。」小女孩開心地說道。

「我頂你個肺呀,我剩係話過嚟喳喎,冇話應承你做任何嘢喎,咪撚得寸進尺好喎,仆街。」孫揚心中繼續大罵,臉上仍然乾笑地說「寶寶想要啲咩?」

「嗯,不如我哋玩猜包剪揼啦,贏咗嘅就可以攞對方一樣嘢。」小女孩想了想說道。





「你會想…攞咩?」孫揚心中猛地一跳,再次問道。

「未知呀,總之係你身上嘅一樣嘢。」小女孩搖了搖頭說道。

「咁我贏咗係咪就可以走得?」孫揚已不斷流著冷汗地問道。

「呢個要睇我心情。」小女孩有些不耐煩地說。

「既然係咁……………………我>><<1啦。」

話畢,孫揚立刻從儲物空間中拿出ak47,向小女孩不斷掃射著。

「屌你老尾孖閪,鸁定輸都要由你決定,真係鬼先同你玩。」孫揚一邊開槍掃射,一邊怒罵著。

過了數十秒,孫揚終於停手,小女孩整個身體被子彈打得退後數米遠,那紅色的迷你裙已破爛不堪,但除此之外,其身上卻沒有任何傷口及流血。





見到此情形,孫揚也知道子彈奈何不了她,二話不說,立刻轉身逃走。

「寶寶宜家好撚生氣,後果好撚嚴重。」小女孩憤怒地大叫著,其指甲突然變長,頭髮豎起,只見之前被頭髮遮蓋的臉孔露出了一個血盆大口。

女孩彎下身子,她那剛剛被子彈打得破爛的衣服卻正在慢慢修復著,然後還原成一條完整的紅色迷你裙,說「我至撚憎人整爛我件衫,殺,殺,殺!」

說罷,女孩以超乎常人的速度向孫揚的方向追去。

「各位救救我呀,我俾隻女鬼追殺緊呀。」

12號隊的聊天頻道上傳來孫揚的叫喊聲,蘇琳按著耳筒,無奈搖頭苦笑道「分開無耐就撞到嘢,你真係幾當黑。」

「無計啦,有冇辦法可以幫我甩身呀?」孫揚急忙地問道。





「你儘量跟返巡邏路線圖跑,跑完條路線圖之後,即刻返嚟控制室,記住要跑完成條路線先好返嚟,如果唔係好可能當你冇完成巡邏而判斷為任務失敗。」林軒說道。

「我儘量啦……」孫揚無奈地說,見到前方的一棟住宅大堂大門没有關上,他立刻跑進裡去,然後急忙關上大堂的大門。

大門由於被密碼鎖鎖著,故此女孩只能在大堂門外不斷衝撞著大門,不甘地怒叫道「你夠彊就以後都咪撚出嚟!」

「我暫時安全喇。」孫揚坐在地上,按著耳筒喘著氣說道。

「嗯,很好,蘇琳,妳宜家嗰邊嘅情況點?」凌天在聊天頻道中問道。

「我宜家有啲忙,遲吓再覆你哋。」蘇琳按著耳筒回應了一句,看著前方坐在噴泉上的灰色衣服男子,拿著一束紅色玫瑰,自彈自唱地說道「逝去感情如何留得住,也許痴情從來殊不易,許多悽悽慘慘的遭遇……」
已有 0 人追稿