[港版無限流][長篇] 恐怖輪迴: 公屋驚魂～自我感覺良好

住宅天台

「仆街，夠薑就玩隻抽，咪剩係玩圍毆！」四肢均被數十個李文抓著的保安老伯正被死死地壓在地上，憤怒地罵著。

「此言差矣，我哋咪玩緊隻抽囉，我哋全部人隻抽你一個呀。」站在老伯不遠處的第一名李文正在把玩那柄保安警棍，賤賤地笑著說。

「你究竟想點？」保安老伯用其充滿怒火的眼神瞪著李文，冷冷地問道。

「嗯，想要好多，第一樣先，我想你話俾我知呢個究竟係咩世界？」李文想了想，饒有興趣地問著。





「呵呵，仲有咩世界？咪一個普通公屋囉。」保安老伯不屑地笑著説。

「呵呵，唔好同我玩嘢，我成臉笑容，但咁唔代表我有耐性。」李文仍是滿臉淫笑地說著，但其眼神已經冷了下來。

「哈哈，我係不死不滅之身，你奈我咩何？」老伯大聲地嘲笑道。

「呵呵，既然係咁，我會俾你感受吓，咩嘢叫生不如死。」李文冷冷地笑著説，然後拿出一個黑綠色的旗幟。

「你想做咩？」保安老伯皺眉問道，不知為何，他從那個旗幟中感受到一股可怕的氣息。





「呢個叫噬魂幡，顧名思義，就係以吞噬靈體嚟狀大自身嘅法器。」李文平淡地介绍著，笑著問道「你想唔想試下靈魂被吞噬，欲仙欲死嘅滋味呀？」

老伯聽後，沉默了一會，問道「如果我答咗你問題，咁係咪會放我走？」

「呵呵，咁前提係你要有問必答。」李文眯著眼睛，滿意地笑著說。

「好，呢到係一個亡者嘅世界，呢到所有嘅鬼魂都係生前伴隨住龐大怨念而形成嘅怨靈。」老伯點了點頭，平淡地說著。

「哦？咁成個世界就剩係得一個屋苑咁大？」李文疑惑地問道。





「當然唔係，怨靈嘅數目可以以億萬為單位咁計，緊係唔只一個苑咁細。」老伯冷笑地說著「只不過我哋嘅活動範圍就剩係只可以喺呢個屋苑入面。」

「此話何解？」李文繼續追問。

「任何一個地方都係弱肉強食，有強弱就自然有階級，而我哋呢批怨靈嘅實力就只可以容許我哋喺呢個屋苑到逗留。」老伯一臉苦笑地說著。

「哦？唔通你哋完全冇諗過出去闖？」李文饒有興趣地問道。

「唔係唔想出去闖，而係被規則所限，任何人違反規則，就會有更高㗎存在過嚟鎮壓，甚至抹殺同毁滅。」老伯無奈地説道。

「更高嘅存在？」李文眯著眼睛問道。

「冇錯，能力越強嘅怨靈，可以活動同管理嘅範圍就越大。我哋4座住宅為1屋苑，10個屋苑為1區，18區為1市，40市為1省，56省為1國。」老伯點頭說道「以我所知，剩係我哋呢邊近南面就已經起碼有10個國家成日打嚟打去。」

「估唔到成個世界㗎格局竟然係咁大。」李文一臉讚嘆地說，然後凝重地問道「咁言下之意，啫係有個負責管理你哋屋苑嘅存在啦，佢喺邊到，同埋形容吓佢個樣俾我聽。」





「嗯，係有個，佢成日喺下面間房到訓。」老伯點頭說道。

「下面間房？」李文奇怪地問道。

「冇錯，佢每隔10日就會出嚟行轉，尋日佢先行完一次嚟，我哋多數叫佢做村長或者業主。」老伯繼續點頭回答。

「咁間房喺邊？」李文皺眉問道。

「喺商場個車場入面，保安控制室下面位置。」老伯立刻回答。

「唔撚係掛……」李文目瞪口呆地說著。

「就係，你都問咗咁多嘢啦，放得我走未？」老伯皺眉問道。





「咁你哋嘅所謂村長，究竟係點㗎樣？」李文没有理會他的話，繼續問道。

「我唔知，佢神神秘秘，成日用塊大黑布遮住自己。」老伯搖頭説道，問「你放得我走未呀。」

「嗯，好多謝你嘅合作。」李文滿意地點頭回答，拿著噬魂幡走向老伯方向。

見到李文的動作，保安老伯驚怒地問道「仆街，你想反口？！」

「冇錯，放走你始終係個隱患，咁不如俾我抹除意識，做我噬魂幡嘅養份，用你嘅怨氣提升我手上法器嘅威力同狀大我嘅軍隊。」李文殘忍地笑著説「為我服務至魂飛魄散。」

說罷，催動法力，噬魂幡散發著幽幽的綠光並照向保安老伯身上。

「啊……」老伯頓時發出悽厲的慘叫聲，然後被吸進噬魂幡內。

冥主的提示音突然出現於腦海中。





「試煉者李文抹除怨靈意識，故能收納該怨靈物品。」

「淫邪保安之警棍：可升級，此武器可作發動暗黑法術的媒界，可吸收怨氣以達升級之用

(又粗又長又黑，很想要吧。)」

「呵呵，意外收穫，意外收穫，都係因為我靚仔得嚟人品又夠好。」李文收到冥主的訊息後，露出其猥瑣笑容，竟不知簾恥地自我感覺良好起來。