[港版無限流][長篇] 恐怖輪迴: 東土殺戳～大村保衛戰

眾人沿著碼頭走進市鎮內，四周漸漸有些人流，大多都在討論妖魔屠村的事。

走了沒多久，一個門口站着兩名衙役，横額寫着"秦明官府"的古式建築出現在眾人眼前。

「呢位官大哥，我哋係受知縣大人邀請過嚟幫手除妖嘅滅魔士，麻煩你幫幫手，幫我哋引見吓。」李文發揮淫笑本能，對其中一名衙役說道。

「除咩妖呀， 知縣大人好忙㗎，之前有好幾批人都話過除妖，結果個個都失曬踪。你哋走啦，唔好白白去送死呀。」那名衙役不耐煩地說著。

李文心中大罵，但仍擺出一副淫笑臉孔說著「唔係呀，我哋真係受知縣大人所託，你睇吓，仲有文書證明㗎。」





那衙役聽後仔細一看，發現李文手中並不是甚麼文書，而是數兩銀兩。衙役立刻把銀兩收入懷中，露出較李文更猥瑣的笑容説「原來係幾位生神仙，有幾位幫手除妖，我哋秦明懸就有救喇。快，請入嚟，知縣大人咁啱今日冇咩案件要審理。」

凌天聽後也不由暗罵這名衙役無恥，無奈地帶著眾人進入府內。

秦明官府並不大，12號隊眾人沒多久便到負責審議案件的大堂，大堂中央正坐著一位身穿官服的中年人。

「啓禀大人，有一批滅魔士嚟到府內，話受大人所託除妖。」那名衙役恭敬地說道。

「哦？請問幾位係咪就係篷箂島嘅高人？」知縣大人向凌天眾人急問道。





「呵呵，在下幾人正正係出自篷箂島。」李文代眾人回答。

「好咯，秦明縣附近好幾條村都被妖魔屠戳，而且聽逃難過嚟嘅村民話，啲妖魔喺大概500里外有聚集嘅趨勢，似乎想大舉攻城。」知縣大人擔憂地說「我已經好幾次上書朝廷增派援兵，但過咗大半個月都仲係冇回覆。」

「咁請問大人有冇聽過水雲村？」凌天突然問道。

「縣外大約700里的確有條村叫水雲村，不過條村喺2個月前就已經被妖魔攻陷，全村男女老幼共600餘人，無一生還。突然咁問，係咪有咩問題？」知縣大人緊張地說著。

「冇事，隨便問吓啫。」凌天笑著回答，然後給了林軒一個眼神示意。





林軒會意，走上前向知縣大人問「無昧問一下，秦明縣面積唔大，但點解外圍會有城牆保護？」

「呵呵，因為妖魔入侵前，本縣亦都曾經受到金兵滋擾，所以當時朝廷就特地撥款喺東面同北面加建城牆，作為一個緩沖；西面同南面就各起一個碼頭用嚟運送物資同貿易。」知縣大人回答道。

「咁秦明縣縣內有冇咩特別嘅村莊？」林軒微笑問道。

「咁又冇，不過秦明縣前身係一條漁村，而我哋地理近海，縣内㗎居民又大多都係捕魚維生，所以附近其他縣嘅人都會戲稱秦明縣為大漁村。」知縣大人微笑道。

「任務一，大村保衛戰現在開始，試煉者需要協助堅守大漁村秦明縣30日。」

「妖魔攻入秦明官府大門將被視作任務失敗。任務完成將獲得2000冥幣，任務失敗將被抹殺。」

冥主提示音突然出現在12號隊眾人腦海中。

「咁請問大人，宜家本縣嘅軍隊有幾多人手。」林軒繼續問道。





「嗯，有3百人倒。」知縣大人如實回答。

「呵呵，咁在下建議大人最好立即調派兵馬，儘快佈防。」林軒苦笑道。

「點解咁講？」知縣大人皺眉問著。

「大人，大事不妙喇，城牆外有好多妖魔呀！」此時一名官兵突然衝進大堂，驚慌地大叫。

知縣大人聽後臉色慘白，顫抖地問「啫係……有……有幾多妖魔？」

「唔清楚，剩係見到城外黑色一大片，保守估計有5千以上。」那名官兵喘著氣答道。

「天呀！！」