「大人,當務之急係儘快指揮軍隊佈防,如果有咩用得著我哋幾個,請即管開聲。」林軒立刻走上前凝重地說著。

「篷箂島咁多位高人呀,求吓你哋救救秦明縣㗎老百姓吧。」知縣大人回過神來,哀求道。

「大人請放心,只要你係信得過我哋嘅,請全權交由我哋負責。」林軒正氣凛然地說。

「好,呢個係我嘅兵符,秦明縣全軍300名兵士全權交俾你指揮。」知縣大人急忙拿出一個黃色三角虎符並交給林軒。

「大人,掌管兵權係大事,就咁交俾外人,未免……」身旁其中一名官兵勸道。





「收聲,宜家兵臨城下,篷箂島幾位高人係好心應我邀請嚟幫我哋,你係咪連老夫我都要質疑?!」知縣大人立刻對其怒喝道。

「屬下不敢。」那名官兵嚇得不敢再出聲。

「多謝大人信任,即使要為大人赴湯蹈火,我等也在所不惜。」林軒誠懇地説著,心中卻冷笑道「意志唔堅定㗎人催眠起上嚟簡直事半功倍。」

在其身後的12號隊眾人也暗讚林軒的演技。

「個知縣大人就嚟成副身家都要俾你哄走喇,果然比李文更加唔知醜,我等望塵莫及呀」凌天在心中慨歎著。





「無恥,實在太無恥喇。」李文此時也在搖頭暗罵。

「有你呢句我就放心,有咩需要即管開聲。」知縣大人也同樣誠懇地回應著。

「咁在下就唔再推辭喇,請大人返去房間休息,靜候佳音。」林軒抱拳説道。

「好,好,拜託你哋咁多位喇。」說罷,知縣大人便微笑地向府內的臥室方向走去。

見知縣大人離去,林軒霎時沒有了笑容,冷冷地大聲道「受大人所託,今後縣內所有戰事皆由我等指揮。人嚟,拎本縣嘅城防地圖出嚟。」





大堂內官兵不敢不從,立刻拿了一幅地圖出來。

「林軒,你打算點做?」凌天走到地圖前問道。

「呵呵,咁就要睇隊長你想我點做喇?」林軒笑著反問。

「嗯,就學你之前咁講,將任務利益最大化,儘可能提升整體隊伍實力,手段任你。」凌天平淡地説道。

「手段任我嘛……咁我嘅策略好簡單,兵分兩路,隊長,李文,喬欣同林恩4個去城牆到帶住250名士兵守城。」林軒詭異地笑道「我同其他人就帶住其餘嗰50個士兵留守官府呢個大本營。」

「就係咁簡單?你哋咁多人留喺到做咩?」喬欣狐疑地問。

「當然係保證官府嘅安全啦,你想有幾複雜?」林軒好笑地反問著。

「好啦,照佢㗎指示去做。」凌天深深地看了林軒一眼,說道。





「呢個兵符就交俾隊長你,城門只有一個,嗰到會係戰鬥最激烈㗎地方,所以我唔敢隨便派新人去守城。」林軒笑著解釋。

「嗯。」凌天接過兵符後,對大堂內的官兵吩咐道「同我即刻召集軍隊喺城門到集合。」

*******

城門前

秦明縣250名士兵已嚴陣已待。

凌天站在城牆上,遙看著城外的妖魔。

只見這些妖魔頭上長著一對牛角,目露凶光,眼晴血紅,臉色蒼白,身穿黑色鎖子甲,手握大刀,排著一個又一個大方陣,緩緩向前推進,顯得訓練有素。





「林軒條友都唔知邊句真邊句假?」身旁的喬欣仍然不滿地說著。

「宜家諗咁多都無謂,應付咗眼前呢關先。」凌天平淡地說道「喬欣,身為後勤㗎你,交戰嗰陣你喺城牆上面跟實我。林恩,估計你都係近戰強化居多,你就同李文一起守城門。咁多位,努力生存落去吧。」

此時妖魔大軍已駕好雲梯,快速向城牆推進,戰爭已悄然展開。

「快,李文同林恩即刻帶200人去守城門,呢到交俾我。」凌天急忙說道。

轉眼間,7,8道雲梯已緊靠城牆,源源不絕的妖魔士兵開始出現在城牆上方。

凌天見狀立刻施展血刀刀法,用聖魔刃揮出數道血光,把剛剛爬上來的妖魔士兵全數擊斃。

城牆上僅有的50名士兵也在此時反應過來,立刻抽出身上的武器,上前迎戰。

片刻,血花四濺,屍横遍野。
已有 0 人追稿