[港版無限流][長篇] 恐怖輪迴: 東土殺戳～支線任務

秦明官府的一個房間

凌天迷迷糊糊地在床上醒來。

「隊長，你醒喇。」一道女聲傳進他耳中。

「嗯？你係邊個？」凌天看到床邊坐著一名短髮女性，不禁疑惑問道。

「嘻，我叫蘇琳，今次任務嘅新人，只不過喺空間到隊長你太忙，冇乜點同我哋打過招呼。」那名女性笑著道。





「呵呵，咁真係唔好意思。係呢，我訓咗幾耐？」凌天尷尬地笑著。

「已經訓咗10日喇。」蘇琳笑著回答。

「竟然？！呢場任務我竟然咩都冇幫到手。」凌天對自己昏迷這麽長時間，大感詫異。

「唔緊要，宜家城牆仲喺我哋手。隊長，我過嚟其實係想請你幫個忙。」蘇琳搖頭笑道。

「哈，有咩嘢要我呢個前輩幫手呀？」凌天不知為何覺得這個蘇琳很像記憶深處的那位女子，一樣的髮型，一樣的開朗，與她說話不由自主地感到輕鬆。





「我想你救吓我哋幾個新人。」蘇琳遲疑了一會，低聲説道。

「究景發生咩事？」凌天皺眉問道。

「我都唔知點解，腦入面好似經常出現一啲畫面，畫面入面，林軒好似對我哋7個新人做咗啲手腳。」蘇琳繼續低聲說著。

凌天聽後陷入沉默，心道「答案好明顯，雖然唔知林軒對你哋7個做咗啲咩，但既然你哋7個已經預先被設定為炮灰，用啲小手段控制你哋都好正常。」

蘇琳見凌天沒反應，再次哀求道「隊長，我發誓冇講大話，我真係有好強烈嘅感覺，林軒對我哋幾個做咗手腳。」





「感覺？」凌天奇怪地問著。

「呢個係天生，唔知點解，由細到大我㗎第6感都好準，遇到有危及我性命嘅嘢，我都會有種好強烈㗎感覺示警。」蘇琳立刻回答道「而我就係感覺到，隊長你係唯一可以救到我哋嘅存在，所以先至靜雞雞過嚟揾你。」

「竟然有咁嘅事？！」凌天驚訝地說著，暗道「咁就解釋得通喇，條女喺現實世界就已經有種天賦可以預知危險，所以林軒對佢嘅控制出現咗漏洞，從而令佢揾我求救。」

「冇錯，所以隊長，請你一定要救吓我哋幾個，我發誓我以後一定會聽曬你話。」蘇琳急忙說道。

「聽曬我話？係咪啫係……吥，好學唔學，學埋李文條粉腸啲衰嘢。但呢個女仔真係同佢好似樣，而且仲有預知危險呢類奇特嘅天賦，應該會係一個可塑之材。」凌天心掙紮了一會，臉上正色道「我仲未知你講嘅嘢係咪真，不過我可以同你加一道保險。」

說罷，凌天在手心刺了一下，說「呢到有我幾滴精血，飲咗佢，危急關頭可以保你平安。」

蘇琳聽後立刻伸出舌頭，向凌天手心㖭著。凌天心中不由一蕩，暗道「雖然平時我唔係柳夏惠，但都未至於咁易起色心，唔通真係因為佢哋兩個太似樣㗎原故？」

當蘇琳完事後，凌天正色道「呢件事唔好張揚，只有你我二人知道。好喇，林軒宜家喺邊？」





「明白。林軒佢宜家喺大堂嗰到。」蘇琳乖巧地説著。

「唉，紅顏禍水。」凌天心中暗歎，快步向大堂方向走去。

此時大堂內，林軒正坐在知縣大人的座位上，對桌上的一幅地圖研究著。

「宜家咩情況？」凌天走進大堂便向林軒問道。

「一切安好。既然隊長你醒咗，咁我哋可以實行下一步計劃。」林軒平淡說道。

「咩計劃？」凌天狐疑問道，感覺林軒在他昏迷的這段時間，背著他布置了很多手段。

「呵呵，隊長，睇吓呢幅地圖吧。」林軒微笑地作了一個邀請的動作。





凌天走向桌前，看著那幅地圖，腦海中頓時出現冥主提示音說道。

「發現本世界重要劇情物品：大宋江山社稷圖。此物品不可帶出本世界」

「觸發支線任務：逐鹿中原。當今天子昏庸無道，百姓民不聊生，作為華夏忠義之士，理應召集天下豪傑，親率勤皇之師，攻入京城，清君側，殺奸臣。」

「任務目標：殺秦檜，任務獎勵10000冥幣。任務時間：180天。任務失敗：無懲罰。」

「任務目標：殺大宋皇帝，宋高宗，趙構，任務獎勵20000冥幣。任務時間：180天。任務失敗：無懲罰。」

「請問試煉者是否接受本任務？」