[港版無限流][長篇] 恐怖輪迴: 東土殺戳～逐鹿中原

「哦？呢幅圖你邊到揾出嚟？」凌天問道。

「哈哈，仲有邊到，咪知縣大人個書房到囉。」林軒說道。

「嗯，你有咩打算？」凌天繼續問。

「我準備同你兩個帶住其餘新人去完成個支線任務，守城任務交俾李文佢哋3個就可以。」林軒耐心地解答著。

「得李文佢哋3個掂唔掂㗎？」凌天皺眉問道。





「放心吧，你都知道李文㗎實力唔只表面咁少，佢成日淫笑都只係想掩飾自己㗎本性啫。」林軒擺了擺手說著。

「有道理，咁呢個支線任務你有幾大把握？」凌天饒有興趣問道。

「7成左右啦，横掂失敗無懲罰，呢個已經係現階段最快捷又最安全㗎提升實力方法。」林軒摸著下巴回答。

「呵呵，回報高，風險低，我仲有咩理由拒絕。」凌天聞言笑道，並心中對冥主說「參與任務。」

「咁事不宜遲，我哋即刻去碼頭搭船出發。」林軒微笑道。





「去邊？」凌天繼續問道。

「我問過知縣大人，宜家呢個世界正係北宋時期，大勢力主要分為三股，女真族金人，宋朝漢人同埋冥界妖魔。」林軒為其解釋著。

「大宋皇帝宗高宗聽咗秦檜建議，用12面金牌召回岳飛返嚟。傳聞秦檜因為害怕岳飛對其報復，就唆使宋高宗以莫須有罪名，召集御林軍將岳飛全家誅殺。事件傳出後，舉國震驚。」

「宋高宗其後為咗應付金人來犯同挽回聲望，遂聽從秦檜提議，在京城作法祭壇，用十萬童男童女鮮血煉祭黃泉之路，冀盼能借冥界仙人之威，助其收復失地。」

「結果冥界軍隊不負所望，先後5次擊敗金兵，葬送其80萬正規軍。宋高宗也借此以君權神授之名，鞏固政權，在朝堂上不斷壓制反對派勢力。」





「但好景不常，金人開始退入山林，避而不戰。嗜血嘅冥界妖魔突然掉轉槍頭，反攻大宋，目前北方已有數十城池淪陷，秦明縣係第一個被攻打嘅南方城市。」

「我打算由秦明縣一路出海坐船，一路穿州過省，横跨整個南方海岸，直抵南京，統一整過南方，之後伺機攻入京城，與妖魔同金人分庭抗禮。」

「理想豐滿，但現實骨感，我哋憑咩去統一整過南方。」凌天聽後不由苦笑道。

「呵呵，我哋只係諗住快速建立一股勢力，而唔係長期統治一個國家，所以唔洗考慮太多，成功於否，關鍵在於隊長你。」林軒聽後狡猾笑道。

「我？」凌天奇怪地問著，心中沒來由有些不安。

「冇錯，聽林恩佢哋話你之前喺城牆上念咗一句佛語，就霸氣外洩，令眾人向你跪拜。」林軒繼續奸笑地說。

「所以？」凌天已隱隱猜到林軒想說甚麼，不由流下數滴冷汗。

「呵呵，既然你有個咁覇氣嘅技能，我哋不如效妨東漢末年，張角大神㗎做法，建立一支彿教軍隊，玩吓起兵造反呢個咁講究技術㗎遊戲。」林軒說完，眼神已充滿期待。





「你想我做神棍？！」凌天不由大叫。

*******

在北方的一處山林

數名騎兵正在策馬而行。

「公子，妖魔果然反攻宋朝，一切依你所言。」其中一名騎兵恭敬地說著。

「哼，趙構懦弱無能，信埋啲旁門左道，自作孽不可活，相信好快就有漢人造反，自己人打起上嚟。」一名走在前頭，衣著華麗的俊美男子應道。

「如果真係咁，我哋女真一族，攻下中原就指日可待。」另外一名騎兵說道「但公子，冥界妖魔㸃算，而且班蒙古人呢排好似唔係幾安份。」





「蒙古批人只係滿腦都係肌肉，派佢哋去打多幾次花子國，將佢哋啲青壯打散曬就不足為懼。」那名公子滿臉不屑地說「至於冥界妖魔，繼續由佢哋消耗漢人實力，到時我哋再伺機攻下北平，再殺多十萬漢人童男童女去封印冥界入口。」

「到時天下，終歸我完顏。」