連接升降機的殺戮: 第九章

「好喇，所有參加者都已經攞到信，依家，你地可以打開啦。不過請各位記住，信入面既野大家要好好保管，同埋唔好比人見到上面既標記。」

 

西瓜波這樣說完後，所有人都慎而重之地把信封打開，並慎防其他的人偷看自己的信件。

 

何夕琛自然也跟大家做相同的事。他發現裡面有一張卡片，不論外觀、尺寸、條碼和上面的１２個數字，看起來跟信用卡無異。唯一比較特別的，是卡片連著一條繫繩，也就是說可以戴在頸項上。





 

既然西瓜波提及過上面的數字必須保密，當然沒有人會笨把它戴著，都紛紛收進自身的口袋之中。

 

「呢一張，係你地每人既專屬卡片。只要有呢張卡片，你地就可以返屋企，同埋可以進入Ｋ樓。」

 





Ｋ樓？何夕琛想起了之前升降機中面目全非的按鍵。裡面只有Ｇ鍵，Ｋ鍵……還有一個插卡槽。

 

「如果你想返屋企，你只要係架lift入面插你張卡入插卡槽，３秒內咩掣都唔撳，咁架lift就會送你返屋企既樓層；如果你想去Ｋ樓，咁只要係插卡３秒內撳Ｋ掣，你就會去到Ｋ樓架啦。至於Ｇ樓，即係大堂，就唔駛用卡都去到既。」

 

「咪住先……我地無端端做咩要去Ｋ樓？Ｋ樓係咩黎？仲有，我地依家冇野食冇水飲，就算返到屋企，咪一樣仆街？」雞蟲說。





 

眾人心中也有相同的疑問，始終，食物和水，是他們目前最擔憂的事。

 

「大家唔駛擔心。Ｋ樓入面有好多野，包括食物同食水，甚至乎武器、裝備同藥品都一應俱全。」

 

雖然聽西瓜波說裡面有食物和水而鬆一口氣，但他提及裡面有武器，所有人的神經不禁緊繃。

 

「吓？點解要武器呀？」基友Ａ問，聲音帶著顫抖。





 

他們不約而同有一個可怕的想法，心裡，祈求著是他們胡思亂想的推測。

 

不，不會這麼老土的。他們雖然說不上是完全無罪的聖人，可是他們也未算大奸大惡，就算曾經得罪過別人，也不致要對他們做出如此殘忍的事吧。

 

然而，西瓜波，卻說出了眾人內心深處的禁忌。

 





「因為，呢一個，係生存遊戲黎。簡單咁講，我地呢個係類似『大逃殺』既殺人遊戲，勝利者亦都只得一位！不過，我地既遊戲風格係以鬥智為主，當中有好多細節設定會增加遊戲既刺激，絕對可以令大家盡興！」

 

聽到他的發言後，所有人的腦袋馬上一陣暈眩，世界彷如天崩地裂。

 

他們所有人必須互相殘殺，毫無理由地毀滅對方，直至剩下自己。他們都不其然看了一眼身邊的人，之前建立起來的信任消失怠盡。以阿源和律師為例，他們明明是眾人寄予希望的領導者，如今，卻成了眾人心中欲除之而後快的角色。

 

怎麼樣，真的要把其他人殺掉嗎？

 





「講笑咋吓話。」ＯＬ乾笑兩聲後說道。

 

「講笑？唔通陳伯條屍都係講笑？」螢幕中的西瓜波瞇起眼，笑道。他的答案，自然令ＯＬ的渺小希望完全潰散。

 

「等一陣先！點解要我地咁做！」一直非常冷靜的社工也有點激動，如斯叫道。

 

「冇得解。呢個係一場遊戲，就係咁簡單。」





 

「西瓜波！」就在眾人因不安而陷入混亂之時，律師突然大喝，讓眾人從迷失中回復。「你話我地呢個遊戲風格係以鬥智為主，咁可唔可以講下遊戲既詳細情形，個遊戲，又同『大逃殺』有咩唔同？」

 

他雖然滿腔忿怒，然而，卻沒有影響他清晰的思維。他知道當務之急，是把遊戲的規則弄清。

 

「ＯＫ，我地都係時候入正題。」西瓜波轉了一個圈，然後說：「對於每個玩家黎講，呢個遊戲有兩樣野係非常之重要，第一，自然係你手上張卡，第二，就係你屋企果部電視機。」

 

思考能力出眾的律師馬上回道：「我明喇。係唔係只要係屋企睇住部閉路電視，咁就知道邊個出入Ｋ樓，再作出相應策略？」

 

他所謂的相應策略，當然就是獵殺其他人的行為。畢竟，如果說得太露骨，很可能會令自己成為眾矢之的。

 

「部份正確。真正既答案係，你地屋企各自既閉路電視都會顯視非常重要既相關訊息。」

 

「相關訊息？」

 

「閉路電視既設定頗為複雜，非三言兩語可以說清，請容我慢慢講解。」西瓜波說。「首先，你地應該都知道，你地屋企既電視除左部Lift既閉路電視之外，咩台都睇唔到，係唔係？」

 

所有人黯然地點頭。

 

「係你地返上樓之後，你地既閉路電視將會作出適當既調整。除左本來既閉路電視畫面，仲會顯示其他資料：佢地分別係一日既倒數時間計、自身所累積既分數同埋你部閉路電視獨有既特殊技能。」

 

西瓜波頓了一頓，續道：「首先要講既係一日倒數時間計。呢個時間計將會放置於四個方格之間，顯示一日剩返幾多時間。遊戲規則規定，係一日之內，必須有一個參賽者死亡，未有人死果陣，個時間計會以白色字體黎顯示，如果當日之內有人死左，個倒數時間計會變成紅色。」

 

對於所有人來說，死亡這個後果聽來是多麼的可怕。就算已經發生了那麼多件怪事，他們，還是不相信自己竟然會進入隨時死亡的恐怖遊戲之中。

 

「咁如果我地當日冇人死到，又點計？」

 

「問得好。咁樣既話，就會由眾參加者中最低分既人受罰。不過如果講到分數，我就可以講第二個重點資料：累積分數。」

 

律師吁了一口氣，一臉凝重地說：「即係話，除左避免被人直接殺死之外，如果要延長自己生存既時間，就要希望當日有人已經死左，同埋盡可能累積分數。」

 

「完全正確，至於累積分數既方法，亦都好簡單。要攞分，分別有以下四種途徑：第一，殺死其他參加者可得１００分；第二，搶奪其他參加者既卡片，得５０分；第三，對其他參賽者做成肉眼可見既傷害，得１０分；第四，每取得一份武器、食品、救急包等補給品，得１分。」

 

西瓜波所說的條款中，除了第四項，全部都必須傷及其他參加者。因此，第四項所得的分數是最少的。

 

「有兩點要特別同大家提一提既。首先，如果你既卡片畀人搶左既話，雖然唔會令你取消資格，不過你既分數將會倒扣５０分，就算你既分數係０，都會扣成負數。請大家好好注意。」

 

何夕琛聽到他這樣說，便不其然地把手伸進褲袋，緊緊握著自己的卡片。

 

「第二，就係每個人每日都必須係Ｋ樓逗留最少５９分５９秒。如果違反呢條規則，在遊戲中你一直所累積既分數將會回歸於０。」

 

對於所有人來說，第二點比第一點帶來更大的衝擊。他這番話，意味著就算一天內賺取大量分數，也不代表能在接下來的數天安枕無憂。畢竟，分數回歸於０，那就代表自己將會成為最低分的犧牲者。

 

「我有問題。」律師突然舉手發言。「如果同時有二人或以上既分數都一樣係最低分，咁會點結算？」

 

的確，考慮到這個規條，有多於一人的分數被迫降至零，也不是不可能的事。

 

「如果呢個情況發生，將會係呢班最低分參賽者入面，隨機選出一名參加者受罰。」

 

西瓜波看到律師沉思的樣子，認為自己已經解答了他的問題，於是續道：「最後一個重點資料，就係閉路電視特殊技能。呢點，容我賣個關子，你地只要上樓，打開自己部電視，就會一清二楚。我只能講既係，每個人既特殊技能都唔同，只要好好利用，一定可以大大提昇你既勝率。」

 

光是聽他那番設定就覺得遊戲無比險峻，當中有不少人，都倒抽了一口涼氣。

 

「基本上，呢個遊戲有好大既自由度，但係，有以下三點必須大家好好遵守，如果唔係將會後悔莫及。呢三點，將會係螢光幕列出，請大家好好注意。」

 

語畢，西瓜波的映像馬上消失，電視如今只有顯示一段文字：

 

若參加者觸犯以下規條，將會受到處分：

 

1.　於Ｇ樓使用暴力或以其他途徑對其他人造成損傷。

2.　施行任何破壞升降機的行為。

3.　於一天結尾時，仍逗留在Ｋ樓之中。

 

看到這幾條條款後，律師突然開腔：「西瓜波。」

 

「點？」雖然看不見西瓜波的動畫，可是那尖銳的電子聲音仍可以傳進整個大堂。

 

「我想講下我目前對遊戲既了解，如果有錯，請你指正，避免產生誤會。」

 

「好。」

 

「即係咁，我地所參與既係殺人遊戲，目的係殺到剩返最後一個，係唔係？」

 

「正確。」

 

「如你所講，Ｇ樓係唔可以交戰，而因為卡片呢個系統既存在，每個人淨係可以去自己既樓層。咁樣既話，淨係得Ｋ樓，係所有人accessible而又唔受任何作戰既限制，係唔係？」

 

「理論上可以咁講。」

 

律師又再提問：「咁既話，Ｋ樓演變成交戰空間。先唔理Ｋ樓係咩，我地呢棟大廈咁細，邊有可能比我地一班人廝殺？」

 

「你去左Ｋ樓咪知囉。我夠膽講，Ｋ樓既場地遠比你地想像中大，絕對可以畀你地多人混戰，亦都可以施行多種唔同既作戰計劃。」

 

律師的提問完畢，大堂回到一片死寂。

 

「大致上就係咁啦。另外，我要帶畀大家一個重要訊息，就係遊戲當中有唔少潛規則，如果你地搵到佢地，可能可以響遊戲造成突破。」

 

「你所指既突破，包唔包括我地可以唔駛自相殘殺，安全咁逃離呢個地方？」阿源突然插嘴問。

 

所有人都屏息，等待著西瓜波的答案。

 

「有咁既可能掛，但係我唔會作出任何保證。」

 

得來的，卻是模稜兩可的答覆。

 

「大致上就係咁。詳細既遊戲規則列明，亦都會係你地屋企既閉路電視系統選單之中，方便各位重溫。我轉一轉個畫面，畀你地先睹為快。」

 

剛才的幾行字，切換成密密麻麻的詳細規條。

 

［遊戲規則］

遊戲名稱：連接升降機的殺戮遊戲

 

遊戲流程：

每位參加者家中的食物與水消失，電力供應（電視除外）中斷，與外界的聯絡完全隔絕。每人在指示下分別取得自己專屬的電子卡片後，利用己身的力量與閉路電視的優勢，於生存遊戲中盡可能生還。

 

遊戲規定每天必須最少有一人死亡。

 

若當天沒有人死亡，則會處罰遊戲中得分最低的玩家。又，若有多於一人同樣擁有最低分，將會隨機選出最低分的其中一人處罰。

 

分數結算：

殺死其他參加者＋１００分

搶奪其他參加者的卡片＋５０分

對其他參加者造成肉眼可見的傷害＋１０分

每取得一份武器、食品、救急包等補給品＋１分

被其他參加者奪取卡片－５０分

若一天之中於Ｋ樓所累積逗留的時間不足５９分５９秒，所累計的分數將會回歸於０。

 

電子卡片的使用方法：

在升降機中，只要把卡片插入插卡槽，就可以啟動升降機，到自身的樓層或Ｋ樓。若插卡後３秒內不按Ｋ鍵，升降機將會到達卡片第一持有者的樓層，反之則進入Ｋ樓。另一邊廂，到Ｇ樓不需使用卡片。

 

閉路電視情報顯示：

1.　一天所剩餘的時間。若當天有人陣亡，字體會以紅色展示，反之會以白色展示。

2.　自身目前所累積的分數。

 

另外，每人的閉路電視都會附帶一個獨有的特殊技能，或情報。

 

若參加者觸犯以下規條，將會受到處分：

1.　於Ｇ樓使用暴力或以其他途徑對其他人造成損傷。

2.　施行任何破壞升降機的行為。

3.　於一天結尾時，仍逗留在Ｋ樓之中。

 

注意：此列表並未記載遊戲中所有規則，玩家需自行發掘遊戲中的隱藏規條。

［遊戲規則完］

 

「點解係我地……」師奶跪了下來，沮喪地自言自語道。

 

「搞錯呀……點解要咁對我地呀！」ＧＹＭ佬一腳踢翻了身旁的垃圾桶，大叫。

 

西瓜波無視現場的騷亂，聲音又再響起：「其實遊戲一早已經開始左，所以，我唔方便再係度耽誤大家既時間，如果冇咩特別事既話……」

 

「咪住！」連律師也按捺不住，突然神經質地叫大叫。「你講咩話，遊戲一早開始左？」

 

他不再冷靜，是因為那個情報，蘊含著一個致命的訊息－－

 

遊戲開始，是在什麼時候？

 

是在大家都集合在這裡的時候嗎？

 

還是說－－

 

「冇錯。就係閉路電視閃光既時候，晚上十點三十分。即係話，今日既終結，淨返唔到十四個鐘頭。」