《執劍》: 第二百零五章－－決裂（四）
第二百零五章－－決裂（四）
“My end, it justifies my means,” from Before I Forget, Slipknot.
「無可能！總監一生行事光明磊落，點會咁做！或者中間有少少誤會。」電王說著。
「當日我會盪失路，係因為小倩既精神力，將我帶去果個位置；斯龍既出現，亦唔係巧合，佢只係怕我真係殺死左爆樽。之後，若霖受斯龍所托，將爆樽雙手還原，但係斯龍就同我講話爆樽係永久性創傷。一連串既事，電王，難道你真係認為係巧合？」真鳳冷冷說道，而且他不再稱呼斯龍為龍叔叔，反而直呼其名，顯示他的不屑和不尊重。「明鋒，你都應該知道呢件事，我有冇講錯？」
當電王望向明鋒時，明鋒竟然點頭，讓他也感到驚訝。沒有人能夠一生光明磊落，人總有黑暗的一面，總有需要妥協的時候，再者，無人是全能的。
「如果總監要改變世界，就需要你既力量，光係你靈力量就已經驚人，一旦連質都提升後，一定強大無比，而事實上，亦證明屬實。你身為執劍會長，應該明白大局為重，有事係要用非常手法處理，無人可以一生都跟隨自己意願做事。」
「你講得岩，妥協、就範、商量等等，都係因為無辦法將所有人都跟從自己做事，但係唔代表你地既意願高於我既意願！我已經被執劍玩夠，先係斯龍，後係小倩。」真鳳淡淡說道。「我，鄭真鳳，並唔係比你地玩弄既傀儡！」他揚起紫炎，然後一擊轟向電王二人那邊，二人也馬上避開。可是，他們二人才發覺原來真鳳的目標並非他們，而是那塊貼滿他們回憶、照片的木板，原先貼在上面的照片被燃燒著，就連木板被分成數塊，散落地上。真鳳揚起再次化為血紅色的真龍之力和深藍色的鳳凰之力，然後大喝一聲，龍嚎和鳳鐲竟像有靈性地飛向他身上。
他穿戴一雙鳳鐲，手執龍嚎，氣勢一時無兩，張開一雙深紫色的鳳翼，穿上一身深紫色的龍袍，彷似化身為地上的王者般，這時的他，手持兩族神器，問誰能阻？
「真鳳。」電王鬆開握著秘銀劍的左手，他自己也多多少少明白到真鳳現時的心情，就像是被最親近的人出賣，被他們在背後插了一刀。但當他想上前一步時，真鳳竟然拔出龍嚎一斬，嚇得他馬上退後數步。一道熾熱的劍痕留在地上，要是他剛才沒有退後，或許已經被斬斷掉雙腳。
真鳳在此時竟強行以自身的殺意、煞氣和怒氣壓下龍嚎中的火龍，就像是要馴服之，為己所用。龍嚎鋒利絕世，無堅不摧，削鐵如泥，就只有強者中的強者能夠舞動，真鳳能夠駕馭龍嚎亦是一份實力的證明。「再行前一步，我斬既就唔係地板。」
「或者一開始令你加入執劍既原因係假，或者小倩將自己同小冰係你記憶之中調轉，不過，咁我地呢？」電王大喝著，話中盡情流露著他和真鳳之間的兄弟情，二人走過伊拉克，一同渡過聖盃戰，由真鳳加入執劍後便一直在走，即使之後真鳳實力在短時間之內增強，電王亦沒有放棄過與他一同作戰的決心，一直在訓練著，為此，他揮舞過無數次劍。「一日兄弟，一世兄弟！永遠都唔會變！」
「夠啦。」電王的說話只換來真鳳的冷言冷語。「宜家既我只覺得，執劍，呢個名好可笑。」他將靈力注於龍嚎一揮，基地的屋瓦馬上化成灰燼。「明鋒、電王，以後，各行各路。下一次當我地見面之時，將會成為敵人。」話畢，他會拍動鳳翼，飛往無盡的灰色天空。
「宜家既我只覺得，執劍，呢個名好可笑。」
看著遠飛的真鳳，電王的心突然很痛，痛得跪在地上，只能用四肢支撐著自己，淚水不爭氣地不斷落下，就連明鋒也感到莫名的悲傷，只能夠無言地，任由這灰色的天空慢慢變得更暗。他轉身走到那個角落，見到地上有數張燒剩的照片，他將之撿起，那照片的一角正正是真鳳和小冰笑得燦爛的樣子。
「⋯⋯執劍，呢個名好可笑。」
「或者，就只有小冰可以將佢拉返黎。」明鋒道。「事出太突然，到你穩定落黎，你就黎我房搵我。」
「明鋒。」
「嗯。」
「點解總監當時會做咁既決定？」
「因為佢需要真鳳既力量，曾經有人為真鳳占下一支卦，卦象意思為佢將會成為改寫歷史既人，占卦方法為真龍族祖傳獨門方法，透過運用易經中的兩極四象卦推算未來。既然總監如此確信，我亦會支持佢，始終真鳳靈力量係常人無法相比，而且佢同時繼承真龍之力同鳳凰之力，成就簡直無法可測。宜家，佢更加手持雙神器－－龍嚎同鳳鐲，而且令真龍族同鳳凰族和平共處，亦證明當初既諗法。」
「咁若霖同小倩呢？」
「小倩只係負責將佢帶到目的地，而若霖只係負責治療爆樽雙手，當中知情既就只有我同總監。」明鋒淡然說著。
「點解你岩岩唔講？」電王已無法再動怒氣，只能無力地說著。
「向一個憤怒既人解釋，只會越黎越令佢反感，而且我諗唔到佢有咩理由相信我所講既說話。電王，我係房等你。」
這突如其來的事讓電王自己感到無比困惑，的確這世界正邪難分，對錯難解，世界又豈會只得黑與白？總有著讓人無法看清的灰色，非黑亦非白。
目的和過程，若要比較起來，誰更重要？
為了拯救世界，改寫歷史而用計謀令人加入自己勢力，要是感到目的較為重要，這樣的做法未嘗不可；但要是認為過程較為重要，如此的做法便是錯的決定。
當明鋒走下樓梯，回到自己的房間中，獨坐在那簡樸的椅上，將這世界將會出現的可能性在腦海中逐一列出並且作出選擇。其實就連他也感到一陣失落，他，畢竟也是一個人，一個青年，並非一部無血無肉的思考機器，始終對身邊的伙伴有著一份感情，可是他不容許自己失落，像是關閉起自己的感情。
真鳳也是將自己的感情從此封閉起來，像是只留下殺戮般，彷要將面前的一切都通通毀滅，化為烏有，燒成灰燼。
真鳳和執劍，決裂。