<第二話>
半夜message 一定冇好嘢。呀澄一口咬定係LKF。 

「我都已經連星期日都一個人返黎做到半夜,都已經得返半條人命,LKF唔係仲催呀?唔好Read個message住喇,唔通話我困左係後樓梯道咩。我都係快D揾出路打的返公司,搞掂晒先覆佢,咁就唔洗俾佢再煩。」呀澄就係咁,廢盡吃奶的力也要做好呢份工。依家自己都就捱唔住,仲有邊個會擔心果D Financial。」 

三步拼二步,呀澄終於發現唔對路,因乜事行極都仲有得行架?! 就係呢個時候,係Exit牌呀! 

「終於到喇,呢棟大廈要改成地下軍事基地咩,兜黎兜去,行到我丫,好彩仲趕得切,今期10月終於有我份升職喇掛。 

呀澄發夢都冇諗到,一出嚟咁熟口面。呢度咪係夏花園!當佢仲未知道發生緊乜事時候,黑暗中佢見到幾個中環上班族打扮年輕人,向住佢叫Alex Alex ...仲跑到呀澄面前。 



「Alex,依家點算呀?查到黎喇。」 嬌小玲瓏的一個哭著說。 「你地認錯人喇,我唔係..... 」 呀澄未講完已又被煲煙男打斷。「Alex,你唔係依家玩失憶呀?商業罪案調查科已經開始逐個揾我地,你有話有計劃,計劃係點架?」 呀澄打量一下各人,呢班人係加班加到傻左定拍丸Hi大左?一個喊到個妝都溶晒,一個似乎煲左幾包煙,一個眼神呆滯粒聲唔出,生意失敗樣。熟悉場景,似有還無...

呯!
已有 0 人追稿