《90後銀行小妹甩轆記》: 《第一項任務》

落到行，個個都「阿妹」、「阿妹」的稱呼我，啊，好幸福！真是一個親切的大家庭！後來才發現，原來個個新入職的小薯都會被叫「阿妹」，因為turnover rate實在太高，大家都難以記牢新同事的名字，或者是費事叫錯，「阿妹」便成為新入職小薯的稱呼了。
 
Benson是我的師父，一個RM助手。如果要我形容他的外表，我想，是實力派。他不善言辭，但有許多熟客，是因為他看上去夠老實吧？每日，我跟著他出出入入，他非常耐心教導我，我們關係越來越密切，直至後來我發現他另有目的。
 
有一日，老闆叫我入他房間，我才知道原來老闆房可以佈置得如此優雅有格調。我快速橫掃一遍他辦公桌後的平台，放有一部高級半自動咖啡機，數盆植物，還有許多獎項及專業認證。平常只有VIP客戶才能夠進入老闆房間，這次老闆召我進去，是有甚麼事呢？
 
老闆露出招牌笑容：「Bella，有樣好重要嘅任務要交比你，呢期分行到唔到數就靠你幫手！」

噢！國家終於有任務比我啦！快啲講啦，快啲講啦！





「派傳單。」老闆繼續保持真誠的招牌笑容。

大家無聽錯，是在街上派傳單。

重要的事情要講三遍！

是著住套Suit在37度烈日當空馬路旁充滿廢氣的街道上派傳單！

點解老闆會用咁高時薪請人派傳單？





呢個問題太低水平了！你以為老闆無諗過嗎？做得你老闆，每個深思熟慮的決定背後都有原因！

老實講，如果以業餘派單員來說，小妹絕對超晒班，因為我遞出的每一張傳單，個個都會接！
 
點解？原因好簡單，大家都是第一次見笑容甜美的銀行女職員企街派傳單！

派啊派，竟然有一個老伯不接我的傳單，他停下來，望著我，又搖搖頭話：「唉，做咩搞成咁呀？」跟著就嘆氣慢慢走了。老伯，我諗你有地方誤會了，你先別走，聽我解釋......

後來派了幾日，聽Benson講大老闆不會來巡視分行了，自此，我便不用再派傳單。