係銅鑼灣海旁,有一男一女既身影,不是情侶,只係男既曾經喜歡過個女仔。
「點解你唔親自同阿明講?」阿峰帶少少責備既語氣。
「我親自同佢講,只會令佢更加心痛。」
「但係,...」
「唔洗再講啦,我決定左,你唔幫我既我揾第二個。」
「唉,好啦。」

「多謝你。」雖然黑夜見唔到太清楚,但知道穎心搭住左阿峰既膊頭。
「話時話,點解咁突然?」
「其實,我已經知道左要去外國結婚好耐,只係無同人講。」既然係咁,阿峰都無謂問太多。




「係呢,你係香港剩低既日子有咩做?」
「無啊,都要比心機讀書,珍惜係學校同你地既時間囉。」
「點都好啦,我要走已成事實,你要好好照顧自己同埋阿明啊,你知佢架啦,神神化化,成日都唔知想點,叫佢唔好成日掛住我啊。」
「最後呢封信,你遲啲幫我交比阿明手上,係我走左一排,等佢已經無諗住我,甚至討厭我,你先比呢封信阿明啦,唔該晒。」阿峰點點頭回答。
「不過穎心你幾時再返黎香港?」
「我諗我如非必要都唔會返香港。」
「下?點解,連黎揾下我地都唔得?」
「返黎揾你地,即係要見到阿明啦。」
「點解你咁唔想阿明見到你?」
「我真係唔想佢太傷心,我知道佢係一個外表好堅強,但係內裡好脆弱既男仔。」




「所以,都帶一聲對唔住比你同阿明。」
「嗯,我都明白你苦心既,咁我祝你幸福啦。」
「多謝你。」

係呢個晚上,兩人對酒飲月,無所不談。雖然要離別,雖然依依不捨,但他們仍相信友誼永固。
「話時話,阿軒個衰人仲有無揾你?」
「無啦,佢點敢再搞我啊,有你同阿明保護我喎。」
「上次灣仔會展真係對唔住,令到你受傷。」
「點解你會知道我受左傷?」
「當阿明抱住你離開架車,你皺一皺眉,好明顯你手臂或者腳係受左傷。」




「估唔到,你比阿明更細心。」
「其實阿明佢好傻,為左一個人,可以性命不顧,去赴湯蹈火。」
「所以你要好好珍惜呢個兄弟,唔好再比佢一個人承擔痛苦。」
「但係... 」
「但係咩?」
「無野啦,我會應承你好好照顧白痴明架啦。」始終,阿峰無同穎心講,佢都要去英國讀書。

大家都傾到好攰,甚至就黎訓著,先識得話返屋企。
「洗唔洗我送你?」
「唔洗啦,我自己搭的士得啦,你都住得遠。」
「好啦,小心啲啦。」
「穎心,你真係唔再返黎香港?」
「嗯」穎心都輕聲回答。
「我有一個好微小既請求,我想要個goodbye kiss。」





穎心慢慢行近阿峰到,錫左落阿峰塊面到,係真正定係假既goodbye kiss,只有阿峰自己知道,或許,佢地兩個係英國有緣會相見,又或者,阿峰仍然愛著穎心,只係未露出狐狸的尾巴。