《我獲得一個願望，我選擇左係學校做一次男神》: 第二十九章：送炭

「阿明，我又黎啦。」今日芊雪包到成隻粽咁，係咪聖誕正日凍啲架呢？
「估唔到，聖誕你都會黎喎。」唉啊，明仔啊，係我心目中，你已經係最重要架啦，我唔黎揾你，我仲可以揾邊個。
「梗係啦，嗱，送比你。」我隨即打開紙袋，見到入面係一條白色既頸巾。睇住阿明拆禮物既芊雪有啲怕羞。
「喂啊，邊個比你今日拆架，今日都唔係boxing day。」芊雪過去搣左我塊面一下。
「做咩隻手咁凍既？」我捉住芊雪隻手，希望將溫暖傳送比佢。
「無啊，近排凍阿嘛，隻手咪凍囉。」芊雪竟然縮手，肯定有古怪。

我企起身，摸下芊雪個壓頭，哇，好熱！
「你發燒啊，芊雪！」
「無野啊，少少唔舒服咋嘛。」佢退後一步，唔比我摸佢壓頭。




「穎心！聽話啦，快啲返屋企抖，我唔想呢到多個病人。」
「好啦... 」難得今日聖誕節，但係身體真係不勝負荷，呢幾日我為左織條頸巾比阿明，我都捱埋落去，只係想阿明有溫暖，點知而家病既係我...討厭。
「過黎，帶住佢。」我將芊雪送比我既頸巾帶返比佢，費事佢發燒再惡劣落去。
「唔得架，呢份係我送比你既禮物，我唔洗啦。」我一手攬住芊雪，再幫佢帶好條頸巾，送多個kiss比芊雪，等佢都知道我收到個傻妹既心意啦。
「阿明啊，好暖啊。」一直投入我懷抱既芊雪，其實攬住佢我都覺得好溫暖架，望住出面落起霜雪，代表越黎越凍啦，你要振作啊。
「芊雪，你要返屋企啦，出面落霜雪啦，唔走既話凍死你啊。」
「唔會，係呢到同你一齊咪唔會凍死我囉，攬住個咁暖既白痴仔。」

我輕撫著芊雪既馬尾，其實我都唔捨得佢，更加想同佢一齊感受節日既氣氛，只可惜大家都病左，唯有約定下年再會啦。
「不如我地下年再一齊睇霜雪，好唔好啊？」




「好啊！好啊！」成個細路女咁，無我睇住你，都唔知你點照顧自己。
「我地勾手指尾，邊個都唔可以反口架。」
我點頭示好，佢都搣左我塊面成十秒先走，希望佢都快啲好返啦。

望住枱上面既朱古力盒，一張紙條，都未能送比芊雪，睇黎個天都未想我咁快同芊雪一齊...
「聖誕快樂喎，白志明。」同我講聖誕快樂既係我既私人護士，其實我都唔知咩黎，話會睇住我既健康狀況，飲食習慣等等，對我心個病作調查研究咁。

不過都真係幾靚女，係男人都會心動個款，睇個樣應該都係得二十幾歲，嘻，都係諗返正經野。
「你都聖誕快樂，岳姑娘。」佢行埋黎，手擺係後面，唔通有野送比我？
「如何在你心窗一角，朦朧呈現我的愛... 」哎呀，電話響添，講明做檢查要熄電話，今次唔記得熄添，我揾緊下部電話係邊既時候，聽仔細啲，好似唔係係我個到傳黎，而成個病房只有我一個病人，同埋我面前既岳姑娘。




「Oh，原來係我唔記得熄電話，唔好意思啊。」千估萬估都估唔到岳姑娘咁後生會攞呢首歌做鈴聲，咁識貨？
「岳姑娘，乜你又係用呢首歌做鈴聲架？」我都唔好意思笑出左黎，真係有咁啱既口味。
「係啊，呢首歌代表我既心聲... 哈，講到咁遠添，我黎幫你做檢查。」到而家我先發現岳姑娘手上既係咩，天啊，點解要咁玩我。

「er...岳姑娘，你手個盒朱古力，同我買個款一樣架喎，又會咁啱既？」其實醫院個間便利店賣既朱古力都唔係好多款，最好食我諗都係呢款，所以先咁啱姐。
「係啊，我特登買比你做聖誕禮物架，點知你自己買黎食，算啦。」
「唔係啊，其實我都係諗住買比你做聖誕禮物架。」哇，白志明，咁既說話都講得出？明明就係攞黎送比芊雪，而家就即刻轉目標，有無再快啲。
「真係既？咁多謝你喎。」我地一手交一手，將同款既朱古力交換，唔係，係送比對方。
「其實你唔好叫我岳姑娘啦，好似好老咁，又好見外，叫我晨曦啦。」晨曦，嗯，好適合呢個陽光女仔，黑夜有佢都唔怕，係永遠既晨曦，真係改得唔錯。
交換完禮物，正式開始幫我做例行檢查，都係幫個心做下記錄，量血壓，血糖個啲，但係唔知點解今日特別緊張。
「志明，放鬆少少，唔係既話，幫唔到你量血壓架。」志明...最討厭人哋叫我志明，難聽到係刺耳。
佢咁樣叫完我個名，我仲唔冷靜，量左三，四次都量唔到，晨曦佢無端端哄個頭埋黎，睇下個機，係旁邊既我，聞到晨曦身上有一種香氣，唔係特意噴上去既香水，可能係洗頭水，甚至可能係本身晨曦自然所發體香。