自從見到晨曦呢個姑娘之後,我就好似想日日都見到佢咁,當有一日佢唔得閒既時候,唔係佢黎幫我量血壓,做例行檢查既時候,我都好掛住佢天使既面孔,一把金黃色的頭髮,彎彎的馬尾,經常帶著甜笑既薄唇,更加擁有高挺既鼻哥,雙眼更係好似識發光咁,每次望住人,加上甜美既微笑,相信男女都會被佢電倒,身材更加豐滿得黎苗條,簡直係完美,加上純白既護士裝束,係我眼前既唔係天使,會係咩?

望住盒朱古力,其實我都唔捨得食,話晒都係天神降下朱古力,不過望住盒朱古力,硬係覺得有啲奇怪。
我攞起盒朱古力,由上望落去,由左望返去右邊,都無咩,但係我一打開,我就知道自己玩完。
我寫比芊雪張紙,擺埋係盒朱古力到,換言之,即係送左比晨曦,而晨曦一打開就會見到張紙,噢!我的天啊!
我而家希望既反而唔係晨曦幫我檢查,唔係既話真係樣衰到爆,話說入面啲野都幾肉麻下...

「咦?有張紙既,睇下先。」打開張紙,見到係送比一個叫芊雪既女仔。
親愛既芊雪:
有無諗過,如果你個日無膽,又或者無行過黎揾我,我地仲認唔認識呢?





其實我一開始都只係當你係小妹妹,要睇住你,照顧你,但係原來比人照顧既係我,甚至覺得你仲成熟過我。我無後悔認識你,更加改變左我生命,一直去支持我,鼓勵我,正所謂成功既男人都會有一個女人,雖然今日我仲未係成功,但係有一樣野,我已經覺得係成功,就係你,已經係背後默默支持我,幫我,多謝你...
(下刪一萬字)
到最後,我只係希望一樣野,希望將你收埋,永遠收埋係我個心裡面,而且係永遠都唔會走,你願意,唔願意都好,我都會等,等到無限個日出,等到無限個日落也好,我都只會等。
我愛你,芊雪。

明字。

「哦,原來係情信,芊雪應該就係成日黎探佢個個女仔啦。呵,無人能夠係我手上搶到任何野。」





嘶!

一切化為烏有。
天使亦只係魔鬼前既形象。

「志明,多謝你盒朱古力,今日不如同你去食飯啊,好唔好?」咦?竟然好似咩事都無?唔通跌左張紙?
「嗯... 好啊。」究竟我應唔應該問佢張紙係邊呢,但係又好似好奇怪咁,如果晨曦佢已經掉左落垃圾桶,咁我咪要再寫過?都係算,小事化無。
「其實你叫我阿明得架啦,好聽好多。」其實一個天使叫我做阿明,我真係會好開心,而家仲話要同我食飯,真係諗都無諗過。
「點解,你返工都可以同病人食飯既?」
「因為你唔係普通既病人囉。」晨曦將個頭哄係我塊面前面,搞到我透唔到氣,仲搞到我塊面紅晒。救命啊,我係咪發緊夢啊,點解有個咁美好既天使降臨人間,咁芊雪點算啊。




「係...係咩。」佢輕笑左聲之後,就行左出門口,我都企身跟住晨曦,同個護士用膳。

醫院既餐廳係門口附近,亦都要經過餐廳既門口先可以搭電梯上去,與此同時,我最唔想見到既野出現左,好揀唔揀,係要而家先黎探我。芊雪,對唔住。
「呢位係?」芊雪你真係好野,咁樣問都有。
「我係佢女朋友。」咩話?!仲要真係即刻拖住我隻手,玩完了。
「點...點解你唔話比我知。」見到芊雪就黎喊,晨曦又好似傻左咁,不如一槍打死我啦。
「點解... 我好討厭你啊,白痴明!」頭也不回,直奔大門,離我而去,芊雪係咪就咁無左...
我即刻鬆開晨曦隻手,問佢點解要咁做:「你做咩咁講,做咩話你係我女朋友。」
佢再次哄埋黎,今次係我耳邊講:「乜你唔想咩?」
然後奸笑一聲,就繼續拖住我,步入餐廳。

點解我好似好享受,甚至唔想反抗,對芊雪既離開,都只係無奈,而無諗過追返佢,晨曦呢個人威力好強大,我都抵受唔住,到而家我都唔能夠逃離佢魔掌,甚至呢個係我同佢既天堂,唔願離開。原來比人佔有,係咁既感覺,唔錯!

我跑到出去巴士站,喊到成條街啲人都望住我。
「點解,點解阿明要咁對我,係咪我有咩唔夠好,阿明唔係都係鍾意我架咩,而家可以同埋個護士一齊...男人係咪就係咁喜歡貪圖美色啊!」我已經攰到無力氣再喊,只係係到喘氣,雙手掩面,實在無眼睇,亦都唔想再諗起頭先既情況。阿明,你辜負左我對你既愛,而家只係直一堆廢票,我而家剩低既只有絕望。





「曾付出幾多心跳,來換取一堆堆發票。」