《我獲得一個願望，我選擇左係學校做一次男神》: 第五十二章：峰心相遇

知唔知道，係英國相遇係幾難既事情，即使係倫敦都係咁話，如果唔係特登約出黎，可能只有一百萬份之一既機會會係條街相遇。但係偏偏，我可以見返穎心。

的確，上次我係唔清楚見唔見到穎心，但係今日我確確實實咁見返佢真人。

「穎心？」

「阿峰？」

「點解你係英國既？」穎心一面好奇既樣，係因為我無同佢講會黎英國讀書。





「我過左黎讀書啊。」

「下？！做咩唔話我知。」

「諗住比個驚喜你阿嘛。」

「車，不如我地去cafe坐低傾下。」

「好啊。」





今次我地係一個商場遇見，好難得既一次遇見。

「你仲未解釋點解你會黎英國讀書喎。」

「其實呢，我屋企人覺得我成績唔錯，想送我黎英國讀書，就係咁簡單。」

「係咪架，定係你黎跟踪我。」見到穎心久違既甜笑，望多幾秒真係會暈。

「我會唔會特登跟踪一個人妻。」呢一句其實有啲酸味...





「講咩啊你！講到我老晒，我只係二十幾歲既令妹咋。」

「咁你真係會好快就結婚阿嘛。」

「我好唔想...」

「點解啊？」其實聽到呢句，我個心有啲興奮，不過唔好咁衰住。

「我根本就唔鍾意佢。」

「下？咁點解要結婚啊。」

「呢句野我問左好多次，都無人解答到我。」其實佢唔講成件事，我真係完全唔知佢講咩。

「好辛苦，對住自己一個唔鍾意既男人，仲要結婚，要夾硬扮到自己好鍾意佢，你知唔知幾難受。」見到穎心就黎喊咁樣，我都比定張紙巾佢，不過我諗佢都唔會係cafe喊咁醜怪。





「不如結婚之後即刻離婚啦。」

「我都諗過，講就真係好容易，但係離婚之後，啲人會點睇我？我屋企人打死我都似。」其實我一開始都唔應該興奮，而家已經感受到佢既淒慘。




「不如你返你香港，拋低所有野，等阿明養你。」

「阿明...」

「佢有病，你知唔知？」

「下，咩病啊！？」呢個穎心真係對阿明無改變過，個心的確仍然係香港，仍然係阿明。





「心病。」

「唔好笑囉。」唔係下話，穎心以為我講緊笑...

「佢個心真係有事。」睇黎我要擺個認真樣佢先信。

「咩事...」

「醫生都解釋唔到，不過而家情況好轉，至少唔係一年命。」其實我相信穎心聽完呢句都會幾down下。

「佢係香港有無人照顧佢？」

「聽男班長講，有個女仔都佢幾熟。」





「女朋友？」

「睇個樣又唔係，不過而家阿明都幾頹下，作為佢兄弟，唔係佢身邊扶持佢，都有啲自責。」

「嗯...」

「你想返去香港？」

「係，但係我會返黎英國。」

「幾時去？」

「暑假，你一唔一齊？」

「唔啦，我有野搞。」事實只係女朋友唔比我返香港，但係佢又唔同我講點解喎。





「好啦，不過你真係諗清楚？」

「點都好，我真係好想返去，好掛住香港。」掛住既未必係香港，但係肯定係阿明，啱唔啱？

「咁你小心啲啦，你唔洗問下你男朋友？」

「我唔會裡佢，就算佢唔比都好，我都照去。」睇黎，穎心心目中無野能夠比得上阿明。




「喂，早晨。」咩料，冰倫晨早嘈醒我，本身諗住今日day off訓耐啲。

「啊，早晨。」朦朧之中，見到佢成塊面哄埋黎，嚇死人。

「一唔一齊食早餐，我今日都day off。」

「哦，好啦。」我慢慢起身，佢先肯退後，真係怪人。

我一到梳洗，一到望住自己個樣，發覺自己越黎越頹，開始唔啃gel頭，暗瘡又出返黎，啲肌肉又變返瘦肉，究竟，我搞乜。



 

「我地去邊到食？」

「而家都十一點半，不如飲茶？」

「飲茶？邊到有得飲。」

「我book左位，係銅鑼灣。」book左位...完全係有計劃同我去飲茶，真係服左佢。




「Hi，我個朋友阿明啊。」哇，成十個人係到？唔係得我同冰倫架咩？

「Hi...」見到咁多人，我又開始驚，唔敢出聲。

坐低之後，就咁睇大家都好似差唔多年紀，甚至都係讀緊大學。

「喂，我叫阿昌。」係我隔黎，係一個肥仔，但係好好笑容，不過有陣煙味。

「我叫阿明啊，係中大讀社工。」

「喔，社工啊，好犀利喎。」講緊野既係一個mk仔，見到個樣就想打落去個啲，原來陣煙味係佢到黎。

「客氣，你呢？」係咁比人問，係時候都要反擊。

「我係當差。」我當堂打左個凸，又玩臥底？

乜而家興揾mk仔去做臥底架咩？