《我獲得一個願望，我選擇左係學校做一次男神》: 第五十六章：挫折

好耐以前，曾今為左穎心打呢場仗，但係今日，我係為左自己，為左班好隊友，持守到最後。



下半場正式開始，無聊野我都少講，但係有一個場景令我好心痛。

「阿明！」呢場波唔知阿元叫左我個名幾多次，傳左幾多次波比我，睇黎佢真係好信任我。

「上！」當我控定粒波，想再傳返比阿元既時候，我跌左係地下，對腳完全無力，唔係抽筋既感覺，而係完全無感覺。





「啊！」

「咇！！」阿亮亦都吹停，隊友亦都圍晒過黎，睇下我傷勢。

「阿明，你邊到傷左？」阿亮攞埋醫療箱過黎。

「我都唔知，我成對腳都無晒力，企唔返起身。」其實我無面望住大家，係呢個時候，好怪責自己，點解而家先黎受傷。

「阿亮，叫救護車。」





「好！」其實我好唔想佢地叫救護車。好差，好無用！

「阿明，下次唔掂要同我地講，唔好死忍。」唔掂？我從來都唔會唔掂...



坐左係草地上面十分鐘，救護車都黎左，我係到諗，仲練唔練到波，仲可唔可以踢比賽。








「先生，我地已經幫你做完檢查，但係你需要留院幾日，做進一步觀測。」不是吧，又入院？啱啱先出院，而家又入返去，不如殺左我算啦，仲要係同一間醫院...

「好...」

「醫生，但係我對腳仲係無知覺喎。」

「對唔住，我答你唔到住，我地會盡快攞到報告，然後同你解釋返咩事。」唉，即係話我要做癱人啦，仲要唔知做幾多日先好返，我真係好憎人照顧我。

「先生，你呢幾日都唔可以落地行，除非有護士幫你推輪椅。」醫生走左，隨即有個護士入黎，唉，又係佢。

「咦？阿明，點解你又入返黎既？你對腳無事阿嘛？」咩又入返黎，不過又講得啱既...

「無事就唔會入黎啦。」





「叫左你唔好咁快做激烈運動架啦，又唔聽人講野。」

「無辦法啦，大專有個足球杯賽我好有興趣。」

「係咪贏左個隊可以同港超冠軍踢波個個？」

「你又知既？」

「我男朋友都有份踢...」男朋友...

「咁快揾到男朋友？」

「梗係啦，我晨曦不知幾多人追。」

「下話，真係服左你。」唔知佢男朋友我識唔識架呢，希望遲啲有緣可以同佢碰頭啦。





「喂，知唔知我對腳咩事？」

「...」

「呢個真係唔可以透露...」

「晨曦。」

「話我知啦。」

「既然你都講到咁，我講少少比你知啦，但係報告未出，一切都係未知數。」

「嗱，你心臟個個病，擴散左少少落對腳到。」





「我可以講既就係咁多。」

「...」再次陷入靜寂，我好驚，唔係驚無得踢波，唔係驚無得行路，而係好驚人哋照顧我。

「咁有無得救...」雖然對腳無左知覺，但係我覺得係成個人都已經死左咁。

「我真係唔知...」我好想喊，但係喊完對腳都唔會有返知覺，我寧願忍落去。

「嗯，唔該你。」

「同你講聲，我會係你既個人助理。」算啦，咩都好，就算你同我講而家世界末日都好，咩感覺都無。

「嗯，你走先啦，我想自己係到。」

「好啦，有咩就禁鐘叫我。」晨曦講到禁鐘叫佢，我真係忍唔住喊，我唔係殘廢，唔係老人家，唔係無能，點解一個好好地既後生仔要搞成咁，我既人生係咪已經完結，係既話，我寧願係到跳落去，停止一切既折磨。







「穎心？點解你係到既？」

「我黎揾你架。」

「你唔係係英國架咩？點解會過左黎？」

「我掛住你，想知你個心病咩事。」

「你都知道我心個病...」

「對唔住，個日粒聲唔出掉低你。」

「唔緊要，最緊要你今日有返黎。」

「但係我會再返英國。」

「哦...你今次黎就係為左見我？」

「嗯，我欠你一句對唔住。」點解只係一句對唔住...

「穎心，可唔可以唔走。」

「Sorry。」當佢令轉身離開，我想企起身追住佢，但係對腳完全唔聽洗，我雙手亂揮，又打到啲野。




「哎呀！」

「咦，點解係你既？穎心呢？」

「咩穎心啊，得我入黎咋喎。」唔通我又發夢？

「你入黎做咩，我都無禁鐘。」

「幫你處理入院啲野啊，係咪想訓霸王床啊？」

「唔係...」

「咁你快啲填返啲野先啦。」

點解會咁既，明明我真係見到穎心架喎，好真實，我相信自己對眼，唔通佢真係返左黎香港？好似直情感覺到佢返黎咁...