「到啦?過黎坐啦。」最後,我都係去左揾Jessie;我諗,藍楠,天蕊,可能要好似穎心咁永遠離開我既生活。

「你有咩事?」

「無啊,想同你飲杯野啫。」比人呃左過黎添...呢間酒吧好特別,一啲都唔熱鬧,而且環境好優美,好浪漫,並無人係到跳舞,唱歌,反而只係係到靜靜地享受紅酒。

「點解呢到唔似酒吧既?」

「哈,傻仔,呢到梗係唔係酒吧啦,呢到唔係普通人隨便入黎架,至於點入黎,你都無謂知道啦。」





「嗯,睇落都好高級。」我地講野既聲量降低幾倍,即使周圍無乜人都好,嘈吵既聲音同呢到既氣氛格格不入。

「其實我都未好好了解下你添。」

「不如你介紹下自己啊。」好奇怪喎,無端端要我介紹自己。

「如果你覺得好奇怪既話,我地互相問大家十條必答題,咁咪公平又無咁奇怪囉。」都係一個唔錯既方法既,但係十條問題,一時三刻邊諗到咁多野問。

「如果你諗唔到,就我問先啦。」





「好。」我放低酒杯,耐心等待第一條問題既出現。

「如果,你今晚就要離開呢個世界,你係呢一刻,最後悔無做到咩事?」好值得思考既一個問題,但係,一秒,就令我諗到答案;或者呢個唔係答案而已,仲係一個願望。




「我最後悔,無去好好對待一個女仔,雖然佢不辭而別,但係當佢再特登返黎揾我既時候,我無理到佢,甚至扮唔認識佢,但係當我覺得我所做既係啱既時候,我個心好痛,我無捉住佢,到最後佢亦都放棄,返左外國。」

「嗯,估唔到你有一段咁既悲痛史。」





「咁我問第二條啦喎。」其實我簡述完我同穎心既故事,個心真係好舒服,一直以黎,都無人會咁樣耐心聽我講野,永遠都係我聽人講,真係醫者不能自醫。




「你覺得世界上最遙不可及既事係咩?」

「其實好多野,看似好遙遠,但係只要一步一步踏實去行,終有一日,你會到達所謂遙不可及既地方,所以,係我心目中,無野係遙不可及,只要相信自己,個件事就能夠符合你所冀盼。」好有文青氣色既一段說話,講完都唔感望返住Jessie。

「講得好好,我越黎越欣賞你。」









「第三條問題,係你心目中咩係完美?」Jessie問過之後,攞起酒杯,飲左一啖紅酒,嘴唇仍留住一點既紅酒滴。

「無野係完美,但係我咁答你,你一定唔接受;不過,我認為完美好複雜。」

「完美唔代表個樣野十全十美,反而個樣野從前好多缺漏,破損既地方,但係經過失敗,磨練後,以一個無暇既姿態做一個華麗既完結。」

「可能你唔係幾明白我講咩,甚至覺得我好矛盾,但係呢個就係我對完美既觀念。」唔知係咪飲得太多,講完自己都唔知自己講咩,我唔可以咁快醉。

「雖然我真係唔係幾明白,但係既然你答到,我就繼續問啦。」




「第四條,如果比你再次選擇,你今晚再會唔會黎見我。」





「會,既然黎到可以同你吐心,何樂而不為?」

「多謝你,呢個問題純粹滿足我。」真係搞笑。

「最後一條,希望你用最認真既態度回答,我相信你會。」氣氛原本已經好有壓逼感,而家既感覺,仲緊張過見工。

「如果你能改變影響自己人生的任何一件事情,你會改變啲咩?」係呢刻,我想答我唔想變做男神,但係貿然咁講,只會嚇親Jessie。

「我想返去中四,選擇唔同一個女仔表白。」

「點解咁講?個女仔就係你頭先所講個位?」

「無錯,而係我表白個日,我變左做男神,即係我而家咁既樣,性格,可能就咁講你會好唔明白,嗱。」我係電話比左張中三既學生相Jessie睇,佢睇完都唔信個個係我,其實我都唔信架,不過,個個肉體好歹都叫用左十幾年。





「係我變左男神之後...」我一直講,一直講,講到連唯一既客人都走埋,我地都未傾完,對於我變左做一個男神,Jessie好有好感,不知不覺,我地已經飲左兩支紅酒,足足兩支紅酒,Jessie仲透露比我知,一支起碼幾十萬,開頭我都唔信,但之後佢係手機張會員卡到減左九十幾萬,我差啲跌埋個心出黎。




「不如,今晚我地係到訓啦。」我已經朦朦朧朧,連Jessie個樣都睇唔清楚,真心個句,就算你叫我訓係條街都我都願意,我實在太眼訓啦。

「乜你咁渣架,下次唔叫你出黎飲啊。」

「唔好啊,我凈係想同你飲啊。」

「麻煩,男人老狗要我抬你入去。」Jessie半拉半抬咁帶左我入房,好近既距離就到房間。








「啊!」好舒服,訓左係一張大床上面,亦好自然除左上衣,因為已經醉到以為呢到係我屋企。

「喂,你唔好嘔係張床到啊。」

「唉,我今晚訓梳發算。」

「唔好,過黎,同我一齊訓。」

「下?你飲大左啦,你訓啦。」

「唔濟,我要你同我一齊訓。」

Jessie除低黑色高踭鞋,雖然我見唔到,但係聽到聲音。