訓訓下,我感受到自己攬住啲好舒服既野,我亦唔願意放手,因為間房既冷氣有啲凍,係張被下面,仲有啲熱氣散發出黎。

「啊,痛!」嗯?點解會有把女人聲係到既?

「你係咪想撞死人啊。」原來Jessie一直比我攬住,直到頭先我好似撞到佢。

「點解你會係到既?」其實Jessie都幾好攬啊,柔軟既身體。

「琴晚你醉左,我咪擺你係到訓囉。」





「哦...我琴晚做左啲咩啊?」我相信每個飲醉既人係到二朝都會問呢條問題。

「我都唔記得啦。」真係唔記得?定係唔肯講。

「咁算啦。」Jessie走落床,原來佢只係著左一件緊身既白色睡袍,誘人既身材。

「不如...你換返衫先啦。」見到Jessie都有啲怕羞,不過佢真係好有女性氣質。







換完衫後,又無意諗返起訓覺個陣攬住Jessie既情景,雖然我地唔係情侶,更加只係啱啱認識既朋友,但係佢比我既感覺好特別,唔係母愛,而係一種新鮮既感情,唔通我鍾意姐姐同我拍拖?


「你肚唔肚餓啊?」換完衫,離開所謂既酒吧,其實根本就係得一層既酒店,豪華至極。

「少少啦,我想食茶餐廳。」之前未認識佢,以為佢係人妻,但係而家知道,佢只係得26歲。

「好啊。」









黎到灣仔一間冰室,Jessie叫左個火腿通粉同一杯凍齋啡。

「你鍾意飲齋啡架?」

「係啊,而且一定要凍既,我從來都唔飲熱野架。」

「咁咪好傷身囉。」

「無辦法啦,唔鍾意就係唔鍾意,就算冬天我都唔飲熱野。」

「做護士都唔理自己身子,哈。」





「咩啫,做護士一定要飲食健康架咩。」

「唔係,我好欣賞你,有個性。」原來我都唔知道自己係一個有個性既人...




白志明,今日終於比我等到你既出現。

係冰室既一角,有一個阿明熟悉既身影,頭戴黑帽,黑超,但係阿明見唔到佢,因為佢同Jessie正係一角曖昧中。

「可唔可以幫我攞一攞胡椒粉?」阿明做咩係到發夢,我都係自己攞算。

「啊,好啊。」當我已經攞到胡椒粉既時候,阿明隻手捉住左我。





「做咩唔放手...」見到Jessie個樣有啲尷尬,但係好快又恢復正常。

「我唔想放手。」

「咁我係咪要比你捉成世?」

「係,如果你願意既話。」

「阿明,我好欣賞你,你好有個性,睇得出你對身邊既人好重視,更加對身邊一切既野好珍惜,因為你已經失去太多,想試下一次擁有既感覺。」

「我願意被你擁有。」








「唔!」一下溫暖既深吻,錫左幾秒鐘都唔捨得放開,得知頭先只係發夢,而家更攬住左Jessie。

「Sorry...」係被入面,我同Jessie既熱氣無限交流。

「唔緊要。」

「攬住你好舒服。」

「真係?」張被仍然蓋住我地全身,好隱秘,感覺自己係到做咩都得。

「咁你攬耐啲啦,我好凍啊,嘻嘻。」聽完呢句,我放心咁去攬Jessie,攬得更加舒服,更親密。

「你頭先做咩錫我既?」

「我...唔小心轉身就錫到你啦。」





「作個大話都好啲啊,唔小心係錫咁耐架咩?」

「我...忍唔住阿嘛,見你訓覺個樣咁可愛,咪錫下你囉。」希望呢個答案佢會收貨啦。

「即係我訓醒唔可愛啦!」見到Jessie扁嘴個樣,一個樣貌比較成熟既女仔去做呢個動作,根本就已經勾走左我個心。

「唔係,訓醒都咁可愛。」

「唔信。」點算好呢,Jessie變左小公主同我玩脾氣喎。

「真係唔信?」

「係。」

「好。」

「唔...」我再主動錫落Jessie到,放開雙手,用黎輕撫Jessie充滿髮香既後頸。




Jessie即使想逃脫,但係我已經封住佢既舌頭,不斷進攻既我,突然被Jessie反守為攻,將我壓係床上,好似好想將我吞噬咁,可能太耐無感受到呢種既愛。




大家都開始進入狀態,已經無野能夠阻擋到我地,熾熱既身體,此刻只想要更多,更激烈既熱吻;兩個已經沉淪既身軀,已經忘記一切,只想永遠停留於呢個空間,時間。




但係錫到感覺要停既時候,從雙方既口邊已經可見愛意有幾濃,一絲一絲口水,無滴下,反而只停留於嘴邊。

「嘻嘻,估唔到你肯陪我顛。」

「我愛你。」唔知點解,我好想對住Jessie講呢句野,雖然有啲唐突,但係無野能夠阻擋呢說話衝出。

「我都愛你。」

唔知點樣而發生既愛情故事,對於阿明黎講有一個重大既突破,又或者係佢之後既絆腳石。