「你肚唔肚餓啊?」呢句說話係我既夢入面都出現過。

「不如我地食冰室啊?」

「你又知我想食茶餐廳既?」

「梗係啦,我咩都知架嘛。」

「係咪架,不過話時話,我都肚餓啦,行快啲啦。」





同樣,我地去左灣仔既一間冰室。但係阿明並唔知道,係夢入面一樣,穎心都坐左係角。

「唔該,寫野。」

「下,我都未睇。」

「一個火腿通粉,凍齋咖啡同一個A餐。」

「唔該。」







「你又知我會食火腿通同飲凍齋啡既?」

「我都話我咩都知架啦。」

「叻啦叻啦。」

「不過我肯定你有樣野係唔知既。」





「係?」

「等陣你就會發現。」




阿明?估唔到黎食個早餐都會撞到佢,但係而家揾返佢,並唔係最合適既時候,因為佢身邊...




「火腿通粉到。」

當Jessie伸手要去攞胡椒粉既時候,我快佢一步,將胡椒粉送到佢手中。





「你...點解你又會知我會落胡椒粉既?」

「唔好再問啦,總之相信我啦。」而家既我,不禁沾沾自喜,但係我只不過係夢入面見過呢個場景。




「真係低錫。」Jessie毫不猶疑咁錫落我到,搞到我有啲興奮。




明...原來你有女朋友啦?哈,原來阿峰真係講得無錯,人係會變,何況係心,我一開始應該相信阿峰,阿明已經唔再鍾意我。





帶上黑超,黯然離開餐廳,呢個舉動,對於而家既阿明黎講,已經唔關佢事。




「我下就要返工啦,再見。」

「咁快就走?」望住Jessie,一種依依不捨既感覺。

「係啊,睇下我放工得唔得閒揾你食飯啦。」

「好啦。」

我地輕輕錫左對方嘴唇一啖,就分隔兩方,今日,Jessie並唔係要返工,而係去酒吧,再次尋找無比既歡樂。








剩返我一個,突然唔知點好,有啲落寞既感覺。好似重現返毒男既形態,係條街都唔知去邊好,又唔想返屋企,但係又無人約,哈唯有獨自去暢飲一番。




買左兩支啤酒,坐係銅鑼灣海旁,今日開始唔係微風,而係可以吹散我頭髮既強風,可能今日唔係假期,得我一個day off,身邊咩人都無,又開始享受。

「係邊?」當我想熄電話,享受寧靜既時候,男班長又無端端whatsapp我,問我係邊。

「我係銅鑼灣海旁,做咩?想黎?」

「係,等我,我十分鐘之內到,唔好走開。」





「得啦,咁心急。」

男班長又會咁得閒肯過黎同我吹水?讀醫唔係應該好忙架咩?




等左真係差唔多十分鐘,終於聽到腳步聲係隧道傳上黎。




「白痴明,好耐無見。」係我腦海中出現左十萬個問號,從來得一個人會叫我白痴明。

「你...」

「點解會係到。」

「我係特登返黎揾你,我地可唔可以坐低傾?」

「好。」

好耐無見,真係好耐無咁近望住穎心,除左上次係球場,只係望左佢一秒都無,就已經將佢個樣遺忘左,但係今日,我再可以切切實實望住穎心。




「你話你今次黎係為左揾我,咁你有咩事要揾我?」

「頭先個個係你女朋友?」點解穎心會知道。

「係,不過只係識左幾日。」

「恭喜你。」

「我知你黎唔係為左講呢啲,你有野就快啲講。」

「阿明,你變左。」

「我無變到,我都係阿明。」

「男班長咩都話晒比我知,你一兩個月內換兩三個女朋友,你以前係咁花心架咩?」

「咁八卦做咩,都唔關你事啦。」八卦...唔關我事...可能我真係八卦,更加唔關我事,佢變成咁,我好傷心,但係我仍然會忍住眼淚,唔要再係阿明面前喊。

「但係我好關心你。」

「多謝。」

「點解你而家對我咁冷淡,咁冷漠。」

「我唔想再愛上你,係我逼自己。」阿明,你終於都肯講出真相,上次球場唔認我,至少你今次肯坐低同我講清楚。

「點解你唔可以再愛上我。」

「你已經有老公,訂婚,我唔可以做你幸福人生裡面既不速之客,破壞你美好既生活。」

「錯啊,你先係能夠成就我美好生活個個啊,你明唔明啊。」

「點講都無用,即使我愛你,忘不了你,我都唔可以話比你知,同你表達,因為你已經有預定既人生。」




「我今次黎就係要揾你同我遠走他方。」

「哈,幾好笑喎,而家拍古裝片咩?」

「阿明,我係認真,我已經唔諗住再返去,反而同你移民去第二到生活。」

「點解世上咁多男人你唔揾你係都要揾我啫?」

「因為我愛你啊。」

「...」




「我唔想你係咁啊,阿明,呢個唔係你黎架,你對愛情從來都好專一,唔會玩

玩下,但係當你自從變左做男神之後,就走火入魔,我愛既係以前既你。」

「以前既我已經過去,你唔會再揾得返,對唔住。」

「你講咁多野都係因為唔想破壞我同係英國個個男人既婚同生活啫,好,我而家就打比佢,同佢講唔會結婚,唔會再揾佢。」

「你係咪傻左啊,我值得你咁做咩?」

「值啊,就係因為你先值得啊,阿明係我心目中係無人能夠取代架。」




「多謝你既好意。」