[農曆七月應節故] 校園鬼故事 - 紅衣女孩: （十三）

「你喊呀？」一把聲音在堅叔腦中響起。
「吓？係喎，點解我會有眼淚嘅？」堅叔邊擦拭眼淚，邊對著空氣說道。
「咦？邊個？邊個同我講野？」
 
這次沒有任何人回應，眼前卻飄來了一張報紙，報紙是來自198X年X月X日。
標題寫著：「中學少女伏屍工地　警方正調查原因」
「死者張Ｘ敏，享年十二歲......」堅叔看著報紙喃喃低語著。
 
「我就係張Ｘ敏啦。」突然一把聲音從堅叔面前傳來。
堅叔抬頭一看，此刻的景像，即使用上所有學過的粗口，亦渲洩不了害怕的情緒。




只因在堅叔面前，原本倒卧在血泊之中的少女，此刻卻站了起來，望著堅叔。
 
「哇，屌你，鬼呀，仆街，咪撚埋黎呀！屌，點解我郁唔到架，屌你屌你屌你！」堅叔明顯被嚇得語無倫次。
其實當時他想拔腿就跑的，但上半身在向後移動的同時，雙腳卻死死的釘在地板上，不斷不斷的顫抖著，名副其實的是「震過貓王」。
 
面前的「少女」，看見堅叔的模樣，卻噗嗤一聲笑了出來。
這反差實在是太大了，堅叔瞬間停止了粗口，但由於「少女」的模樣仍是十分可怕，故他內心仍然用千字文在咒罵著，仿佛只有這樣，才能保持清醒。
 
「少女」笑了一聲後，忽然醒悟：「呀，係喎，唔記得自己仲係屍體咁嘅樣添，你等等呀！好，搞掂！」
「少女」說完後，終於由滿身鮮血，變成一個普通的少女，樣貌還有點清秀。




 
堅叔：「屌你，咁好好多，頭先爭Ｄ嚇撚死。」
「少女」：「原來你咁多粗口，咁好笑架？我就係張Ｘ敏啦，你可以叫我小敏架！」
堅叔：「我好多年無講粗口架啦，係學校做野邊講得架，係頭先俾你嚇一嚇，Ｄ粗口先出返晒黎之嘛！」
 
「你，你就係小敏？就係上小詠身隻女鬼？」堅叔不知哪來的勇氣，像跟普通人說話一樣，和眼前的小敏交談著，大慨，由於剛才的畫面，同情的心態戰勝了恐懼吧。
小敏：「係呀，就係我上左小詠身。我仲要帶走佢同佢Ｄ朋友添。」
堅叔嚇了一跳：「唔好呀，我知道你嘅遭遇，知道你好慘，但佢地係無錯架。」
小敏語帶傷感的道：「佢地無錯，咁......我又做錯左Ｄ咩？」
 




此刻，堅叔無言而對，剛才短短的一幕，眼前的「少女」，遭遇的確令人同情。但是，小詠和他的同學，難道就因為這樣，要給她帶走？
不，這根本不可能，堅叔心底裏明白，這是兩碼子的事，問題是，他根本不知道應該怎開導眼前這位「少女」。
 
堅叔還在猶豫著，正在想應該如何開導她之際，「少女」已經先開口了：「你果然是個好人。」
「吓？咩話？」堅叔不解的說。
「我話，你真係一個好人，你頭先諗嘅野，我已經知道晒啦。正常人可能只會罵我，或者講一堆廢話，叫我放過佢地。而且或多或少，都係為求自保。但你唔同，你第一個諗法，居然係同情我，我已經好耐無遇過咁好嘅大人。」
「哈哈，係咩？你咁讚我，我都有Ｄ唔好意思添，哈哈！」堅叔雖口上謙虛，但內心其實正在暗爽。
 
「少女」笑道：「哈哈，依家就有Ｄ口不對心啦。」
內心被看穿也算了，但給人即場拆穿，堅叔臉上變得通紅，不知怎麼應對，只好乾笑幾聲帶過便算。
 
然後「少女」再問堅叔：「你知唔知點解我會上小詠身？」
堅叔搖了搖頭。
「少女」：「其實我一直都留左係物理室，但我好少會現身嚇人，更加唔好講害人。最多都係有時吹下學生條頸，整跌下Ｄ粉刷咁，所以我其實一直都唔係Ｄ咩惡鬼。」
 




堅叔心想：「其實咁做已經相當嚇人。」
「少女」斜眼望著堅叔：「咩者，係度咁多年好悶架嘛。你睇你打斷左我，搞到我唔記得講到邊啦。呀，係，我唔係Ｄ咩惡鬼黎。只係當晚我見到佢地幾個，原本只係八掛望下，不過當我讀到佢地內心諗法嘅時候，原來佢地心底都係唔鍾意小詠，果一刻我將自己同小詠的身影重疊左。於是我上左小詠身，諗住嚇下佢地。」
 
堅叔：「咁嚇下佢地，都唔駛帶佢地走架？」
「少女」：「原本我只係嚇下佢地，當我上左小詠身，佢嘅記憶同心情，一下子浮現晒係我腦入面。雖然小詠平時好似一個好普通嘅女仔，但佢內心其實好灰暗，而且佢內心充滿位負面情緒，自殺的念頭也不斷浮現。我受到佢負面情緒影響，那一刻我的怨氣和怒氣控制了我，我變得想逼死佢地，亦都想幫小詠解脫。而對佢黎講，死，係最好嘅解脫。而小詠係俾我上身期間，我死前嘅經歷亦不斷係佢腦入面重覆著。互相影響下，小詠俾我完全控制，而我亦變得愈黎愈兇惡。」
 
堅叔：「咁......咁依家者係？你會唔會放過佢地？小詠會唔會好返？」
「少女」點了點頭，但隨即又嘆了口氣搖了搖頭：「當你去到物理室，願意無私咁幫佢地。黎到呢個夢入面，你又真心咁同情我，我已經無左之前嘅怨氣。我留左係學校咁耐，其實我都已經漸漸放下以往嘅事。係我死左之後，佢地都相繼地接受左法律嘅制裁。頭先你會見到四個黑影，而唔係一個人樣，係因為我已經唔記得佢地個樣。我之所以仲會留係物理室，係因為我一直對自己無人真心想幫我而耿耿於懷，但我諗，我依家可以真正咁放下。」
 
堅叔萬萬想不到，自己的行動，居然無意中幫助了這位「少女」，可能這便是緣份吧。
堅叔真心的道：「咁就好啦，你能夠放得低，忘記傷痛，我都替你高興。」
「少女」微笑了一下，然後便再嘆了口氣道：「但係件事仲未完架，雖然我已經唔再有任何怨念，係你夢醒後，我相信我已經能夠離開物理室，而小詠亦都唔會再俾我附身。」
堅叔開心的說：「咁咪得囉，咩都搞掂晒啦，咁你做咩仲嘆氣？話件事仲未完？」
「少女」：「原因係，我之前上身嘅時候，帶俾佢地嘅影象，身體上同心理上嘅傷害，係唔會消失，佢地依然會記得曾經發生過嘅事。尤其係小詠，佢會清楚咁記得我俾人逼害，同埋跳樓自殺呢一幕。佢地清醒之後，究竟會有咩後遺症，或者佢地精神會唔會有咩創傷，呢樣我都控制唔到。」
 




堅叔聽完後，心裏面打了一個突，因為他也沒有想到，「少女」離開後，同學能否像以前一樣，繼續過正常的生活呢？
「少女」再提醒堅叔：「尤其是小詠，除了我自殺的畫面外，佢果三位「朋友」嘅真實諗法，包括今次玩佢嘅事，小詠都因為俾我上身而知道左。」
 
堅叔當然明白，聽了這麼久，他暸解到事情的嚴重性，但現在的狀況，也沒有甚麼補救的措施了。
「少女」看著堅叔：「對唔住，原本我都無諗住要搞到佢地咁。」
堅叔搖了搖頭：「唔緊要，至少令你可以放低過去，都叫有得著。至於學生，我會叫學校留意下佢地，應該都無事嘅。」
 
「少女」：「多謝你，如果唔係遇到你，我都唔知仲要留係度幾耐。我嘅力量都消失得七七八八啦，個夢境都唔可以維持好耐，當你醒返嘅時候，我應該已經消失左。希望你可以幫到Ｄ學生啦。」
 
「少女」：「＃＄％！＠＠＃％」
 
 
「少女」在最後向堅叔說了最後一句說話，但不知道是力量耗盡還是其他原因，堅叔結果也不知道最後一句說話是甚麼。
夢中的景觀開始消失，堅叔在夢裏也暈死過去，在暈死過去之前，堅叔仍然心懷希望，認為小詠他們能夠回復正常，重返正常生活。
 




但是，這願望，卻是永遠也不能實現。