《讓我重新遇見你》·緣圓系列·: 傷心結局章 再見

傷心結局章 再見

日子一日一日咁過去﹐
依然冇啊婷消息﹐
我既第六感都話俾我聽﹐
啊婷都凶多吉少...

隨住時間既流逝﹐
我以為可以慢慢淡忘啊婷﹐
但真係好難。



每當我行到每一個地方﹐
我腦海總會有啊婷既身影出現。
個心亦都會有一絲既刺痛﹐
好痛苦。

我諗我唔可以再有任何留戀。
我應該要同呢一段回憶講再見。
就算呢段回憶幾美好﹐
我唔想再活響痛苦既現實入面。



放過自己。

就當遇見你係一場意外﹐
一場美麗既意外。

今次就當係一個句號﹐
將所有野完結曬佢。

一日去返曬所有地方﹐


回想一次﹐
亦係最後一次。

返回我同佢相遇既地方﹐
嗌返上次果個餐…
坐返同一個位置。
當初因為遲到令我可以遇見佢。
起初見到佢﹐
健談既我竟然同佢冇話題。
兩個人四目相交﹐
但係一句野都冇講。

害怕開學遲到一手揹住書包﹐
一手拖住佢跑。
粗心既我並冇留意到佢一直噤住頭﹐


佢果陣已經好唔舒服。

明明知道佢並唔係因為遲起身而遲到﹐
但係我冇追問落去。
如果我有追問到﹐
結果可能唔會咁…

D班門口曾經有位﹐
有着淺啡色瞳孔既女仔等待我。
但係依加個女仔響我身邊消失左。
我已經見唔返佢。

佢唔會再出現。

每日放學都同佢響圖書館一齊溫書﹐


兩個人既關係因為咁愈黎愈親密。
佢令到一個討厭讀書既人重新學習。
唔合格變到70分…
記得當初溫書身邊淡淡既薰衣草味。
同埋佢個笑容。
佢既一切令我不能自拨。

響二樓嗌落去操場﹐
再衝落去攬住佢。
為左佢衝入女廁﹐
向佢表白。
每一句話都係發自內心。

接近完美既郭家寶向佢表白﹐
但係佢最後依然選擇我，


搭住佢膊頭離開禮堂既一幕。
歷歷在目。

第一次既約會。
一個唔鍾意玩機動遊戲﹐
一個唔可以玩機動遊戲。
但係為左對方開心﹐
依然玩得盡慶。

第一次工作獻左俾Cafe﹐
雖然好攰﹐
但啊婷整既蛋白派﹐
真係精神百倍﹐
甜味彷彿徘徊響口腔﹐
好甜。



我地響公園鬧交﹐
響公園和好﹐
你好暖﹐
但你既體溫﹐
我再也感受唔到。

我...
冇諗過流星雨講出黎既願望會實現左﹐
你唔係話講左出黎就唔靈架咩？
但你依家消失左﹐
個天太好人竟然實現左個願望﹐
定係個天太好人將你帶離痛苦既世界？

我好鍾意瞓醒一開眼就見到你﹐
好鍾意攬住你黎瞓﹐
好鍾意你。
好鍾意好鍾意...

我地第一個平安夜﹐
可惜我地冇更加多。
本來要你好好跟我姓陸﹐
本來要你做全世界最靚既新娘﹐
本來我隻手可以拖住你。

但一切一切冇你﹐
都已經化為烏有。

冇你我過得一啲都唔好﹐
我唔似以前可以笑笑又過一日﹐
我好頽廢﹐
每日我都會擔心下你﹐
睇下信箱﹐
卻一點動態都冇...

到呢一刻﹐
我要面對現實啦﹐
我唔可能再原地踏步﹐
停留響有你既世界。

雖然我地唔可以重新遇見﹐
但我慶幸我地曾經遇見。

多謝你﹐鍾凱婷。

我將寫滿左本筆記既最後一頁﹐
將所有關於呢段感情既物件放曬響金屬箱入面。
埋左響北潭涌公園既泥土入面。

我需要﹐
轟轟烈烈去忘記你！

「喂！吉仔！出黎飲酒！我回復單身！」我打電話俾吉仔。
「死仔！肯認冇女啦咩？依家即刻出黎！」佢笑嘻嘻咁講。
「叫埋啊雄㖭啦！」我灑脫離開左北潭涌。

鍾凱婷,
再見。

---------------全文完---------------