《讓我重新遇見你》·緣圓系列·: 第三十八章 頽廢

第三十八章

得知啊婷仲未醒返既消息﹐
我日日都過住啲行屍走肉既生活。

「啊仔﹐食飯啦。」我每日都係食左一兩啖就唔食﹐
啊媽都冇眼睇﹐
亦由得我。

我唔返學唔返工佢都冇鬧我﹐


因為佢知我真的受傷了。

食完飯就瞓覺。
雖然食得少﹐
但體重就一日一日咁上升﹐
肚腩既肉都開始變多。

啲人又話唔開心會變瘦﹐
我真係唔信。



果日啊媽唔響屋企，
吉仔就上左黎﹐
「陸添羽﹐你搞乜呀。」佢攞住一大堆既功課﹐
望住頭髮淩亂﹐
滿面鬚根既我。
「是但啦。」我伸手落褲入面R下自己既屁股。
「去沖涼。」佢用嚴厲既聲線去講﹐
「憑乜啫你。」我好串咁講。

佢拉左我去廁所﹐


開左凍既水喉﹐
一野沖落我個頭到。

「痴撚線架你！」我掙扎。
「醒下啦陸添羽！」佢不斷沖水。
我一手推開左佢。
佢前臂撞到洗手盤。
「鍾凱婷唔會返黎架！」佢噤住自己既手臂。
「我知呀！我知呀！」我大聲吆喝「我等左一年半啦！佢啊爸同我講佢可能醒唔返呀！我睇過佢本筆記...佢一直都記住我同佢既約定﹐但佢醒唔返呀！」我無力坐左響坐廁隔離「佢應唔到約...我見唔返佢...」臉上流出不知眼淚還是水既液體。
「...」吉仔已經唔知點反駁。
「搵一個快樂健康既女孩子﹐我呸！最快樂最健康既女孩子依家響醫院張病床呀！我冇佢我一啲都唔快樂﹐我真係好想死呀！」我用力拍打自己既心臟。
「鍾凱婷都未死你憑咩死！」吉仔捉住我既衫領「你咁快就絕望﹐你係咪睇唔起鍾凱婷？你係咪睇唔起佢有一日會醒返？你答我！」佢瞪大雙眼﹐
令我清楚看見佢眼入面既微絲血管。
「我冇！你憑咩咁話我！」我捉返佢既衫領。
「就憑你依家呢個樣呀！」佢用手指戳住我個頭﹐


佢將我推開「你要繼續頽廢既﹐你慢慢！我黃魯吉依家真係睇你唔起呀！」
「砰—」大門大力關上﹐
佢離開左我屋企。

連你都懶得理我﹐
對嗎？

你明白我既感受咩？
你唔會明。

我頭都冇抹乾就瞓返上床。
一瞓就瞓到第二日。

「陸添羽同我起身！」我啊媽攞住枝雞毛掃。
咩年代呀？


「咩事呀？」我煩躁咁講﹐
「你頽廢完未？」啊媽由未試過用呢個語氣同我講野。
「唔好理我啦。」我將被拉到頭頂。
「啊婷可能醒唔返唔代表佢一世都醒唔返﹐你振作下得唔得？你諗下如果佢醒返見到你咁會點？」佢一輪嘴不停講。

如果。
冇咁多如果架。

「答我啦！」佢用雞毛掃一野打落黎「落床！」佢拉起我。
推左我入廁所。
「唔該你沖好涼﹐冇曬啲鬚先好出黎。」佢講。

我以免佢再話我﹐
所以做好曬啲野先出去。



其實沖涼果陣我響到諗﹐
吉仔同啊媽都講得好啱既。
啊婷又唔係一世都醒唔返﹐
萬一佢真係醒返﹐
見到我咁﹐
佢一定好失望。

我梳返到個頭﹐
執下個樣﹐
「啊媽﹐我聽日返學﹐我出去打波。」我要變返瘦！
我見到啊媽個樣超驚訝。

我要努力！

好快我就瘦返﹐


亦追返學校課程。

同吉仔都好似之前咁打黎打去又一日。
眼見佢隻手瘀左﹐
都唔好意思再提。

有時候我會帶住薰衣草味既香包。
就好似啊婷響身邊一樣。

「喂﹐今日又有流星雨睇啦喎。」
「嘩！我都想去呀。」有兩個女同學行過響到講。

最近太忙都冇留意天文消息。
一於留響屋企睇﹐
我屋企果面就好黑既﹐
所以有時好彩都可以睇到流星既。

買左個M記返屋企﹐
係呀﹐
又是魚柳包﹐
上左天台﹐
揀左個位。

天好多星﹐
風迎面吹黎﹐
好舒服。

望住個星空﹐
如果啊婷響身邊陪伴住我﹐
呢個星空一定更加好睇。


------------------------------
自行選擇結局
https://www.shikoto.com/i/tyr
https://www.shikoto.com/i/tzf