自殺以後，進入了RPG的世界: 召喚勇者

好痛。
連場大戰之後無哂力氣。
比蜘蛛女王抱起左，佢準備帶我走。
等等……呀，無力掙扎，食波餅)*(&&#@$(&@

咳咳。
咳。
王同迦具土對峙緊。
迦具土都唔敢輕舉妄動。
睇唔到王既STATUS情況下，就算去到迦具土呢種級數既魔物都變得小心翼翼。





雖則話，迦具土果邊既黑騎士都係睇唔到STATUS。
黑騎士既STATUS係油黑左。
而王係完全查唔到，就好似無呢個人存在咁。

王好似無諗住同迦具土正面戰鬥。
淨係用果D幼到幾乎睇唔到既絲線黎限制住迦具土既行動。
就好似玩弄緊佢咁。

「你係咩人？」迦具土問。




「聯盟之王。」王輕易就報上身份。

呢個時間，約翰好似畫緊個魔法陣。
聽講王要召喚唔知邊個黎。

「我地走先，你慢慢。」蜘蛛女王同迦具土講。

「喂喂，知道左我係聯盟之王都仲係一副WFC既樣，你地真係咩魔王，領主咩？」王問。
「聯盟？好笑。我只要一日時間，單人匹馬就可以摧毀成個聯盟。」迦具土回答。
「問過我未？」王問。




「未。」蜘蛛女王無啦啦搭左個爹。

「好啦好啦，約翰，搞好啦可？」王開口講。
「係，完成左。」
「咁開始召喚啦。」
「點召喚？」
「對住個魔法陣大叫死八婆，然後……」
「死八婆！跟住呢？」
「跟住即刻用空間魔法帶我地走，快呀屌你，咁早講死八婆做乜撚野呀？」
「吓，戰鬥狀態下係用唔到空間魔王架，王！」
「SHHHIIIITTTTTTTTTTTTTTTTTTTTTTTTTTTTTTTTTTTTTTTTT！」

王滴哂冷汗咁。
魔法陣發左個光，然後消失左。
咩事都無發生？





「玩完未？」迦具土用劍指住王，睇黎佢開始認真了。

呢個時候……
又真係咩事都無發生過。
DEAD哂AIR。

迦具土正準備上去既時候，突然之間有個人行左出黎。
王即刻匿埋。
匿係約翰後面……做乜鳩。

係魔王。
唔同其他領主自稱魔王。
係果個擁有【魔王】稱號既人。
果一個人。




天照。

【勇者】 精靈-天照 神官 LV99

HP:8432/8432
MP:13964/13964

力量:768  敏捷:975
防禦:753  魔力:1521

之不過，呢一刻既佢唔係用【魔王】稱號，而係【勇者】。
同【魔王】相反既【勇者】。

「搞邊科？」天照問。





「你係咩人？」迦具土問。
唔識架咩？七大魔王居然唔識得呢一個魔王天照？

好唔合邏輯，點解身為魔王既天照係勇者？

「我係……勇者囉？蜘蛛……女王？」天照問。

蜘蛛女王無講野，淨係凝視住天照。

「無野，你地知架啦，我對蜘蛛有少少反感……唔係，你地應該唔知我係邊個。然後我問一次，邊個鬧我死八婆。仲有，點解你地會識得用果一個魔法陣？」天照問。

迦具土唔理。
直接用劍刺向天照。
兩隻手指接住左？
明明只係個細路女……一個普通人既STATUS。




但係輕易接住左迦具土既劍。

「機會黎啦，約翰！」
「空間魔法。」

約翰帶埋我同王，用空間魔法瞬間轉移左。