港大七不思議食女事件: 35. 噩耗

35. 噩耗
 
轟人就試得多，被人轟真係冇咩點試過。我後腦一熱，金星亂冒，一陣目眩，登時拎轉面，正想好似三五成群入面嘅神仙B咁，大聲講「屌你老母邊個踢我」，見到一個妙齡女子，戴住口罩同黑超，個頭染到Taylor Swift咁，身型瘦削，車頭燈極尖。女郎雖似曾相識，但我真係唔知佢乜水。 「你痴撚線架？邊位呀？」縱受港大西化教育，呢個當口，我都顧不得男女風度。 「一夜夫妻百夜恩呀！你咁都唔認得我呀？我有今日，都係你搞成架。」女子除下口罩，露出好似喺東莞工廠啤出嚟嘅膠鼻樑，不是別人，正是喺划艇會碼頭，斷片之後，扑咗幾獲嘅?模阿Yan。阿Yan講完，攬住我，喊出嚟。 撇去淫亂派對當日我斷片嘅時間，我同阿Yan嘅相識，只有區區幾粒鐘。我一直都以為，我同阿Yan，只有陽具同埋陰道嘅關係，抽插、抽插、抽插、射精、射精、射精，冷震過後，再冇交集，好似城門河賽艇，各有各航線，永不相撞。 「喂，我都未喊，你喊乜春呀？」阿Yan用佢導彈頂住我，叫我又鳩硬心軟。 「嗰日同你搞完嘢，我話畀野狼知。佢嬲到仆街，之後我都冇見過佢。之後，我下面越嚟越痛，咪去睇醫生，點知醫生話我有梅毒病徵，轉介咗我去驗吓…… 「我走去驗，出到嚟，點知真係中咗招。我唔知究竟係你嗰日冇戴套，惹病被我，定係我出面啲男朋友，還是係野狼。你話我而家點算呀Marvin，點同屋企人講好呀，係呢，你下面有冇痕呀……」說罷，眼淚不斷滴落咖啡杯中。 聽罷，我碌鳩，好似我細個學游水，成日喺更衣室見到嗰個肥仔一樣，縮咗入春袋。尚未與野狼割席之時，我經常取笑佢因嫖妓過度而生性病；每當論到呢個話題，野狼總係好似《哈利波特》裡面嘅巫師一樣，怯於佛地魔嘅淫威，只以「那個人」(You-know-who)，或「那個不能說出名字的人」(He-who-must-not-be-named) 嚟稱呼呢個萬世魔王，做一隻自欺欺人嘅駝鳥，埋藏自己日漸潰爛嘅春袋落沙地，諱疾忌醫。 「痕呀，哈哈，過嚟幫老夫搲吓。」縱倒小半杯咖啡落地，但為保持浪子之霸氣，周瑜之氣度，我強裝鎮定，皮褸RedWing，談笑間，花柳灰飛煙滅。 「你係咪生上腦，傻咗呀？醫生話有得醫，但手尾好長，我而家去私影，大半份糧都拎咗去睇醫生，啱啱先畀咗兩千蚊藥費，都唔知生存嚟為咩，又唔敢俾阿媽知……」 我聽阿Yan講咗差唔多成粒鐘，全程神遊太虛，腦海一片空白，好似滯流喺赤道無風帶嘅木筏，上下求索而不得。我不斷幻想，好似老夫子咁，赤道之下，太陽照常升起，我將寫畀媽媽嘅遺書，放入玻璃樽，大力扔去海裡，對不起媽媽，我餓，但我吃不下…… 「Marvin，醒喇！」阿Yan眼神既奇怪，又可憐。 「祝你早日康復，冇咩事，我想走先。」我冇心理阿Yan，搭車就返屋企。 「Marvin，你尋日走咗去邊呀？等我仲以為你會乘人之危，點知你個人咁好，我真係冇睇錯人，過幾日我地去玩吖，傻豬豬……」我喺車到，見到阿予不斷text我，我心裡有愧，只能隨便敷衍過去。我好自私，只擔心自己安危，其他人對我點，我唔想理。 返到屋企，我將「梅毒病徵」同埋「Syphilis syndrome」，喺Google打咗大約五十次，由一無所知，變成半個梅毒專家。唔講唔覺，原來君王將相，諸如同治皇帝、亨利八世，抑或大文豪王爾德、波特萊爾、莫泊桑等等，都要背上一身風流孽債，我望住屋企嘅金魚游來游去，估唔到我陳納邦，都同佢地同一命運，真係與有榮焉。 有人話，尼采梅毒攻心，方有「上帝已死，一切皆成真理」之說；他日梅毒上腦，我應該可以將風流史集結成書，雖然不光彩咁離開呢個世界，但係我總用我嘅鍵盤，喺讀者嘅心掀起陣陣波瀾，留下生存嘅痕跡。 我喺金魚缸前，望緊喺到切橙畀我食嘅老母。阿媽雙鬢白髮驟多，我唔忍心叫佢去染，或者將今日嘅事講佢知。痴線嘅細佬，花柳嘅大佬，阿媽做咗成世好人，報應唔應該喺佢身上。 於是，我拎起電話，決定打畀一個好重要嘅人。