到左星期五,我一早已經係阿珊屋企樓下等佢,而佢亦好準時出現。上身著件粉紅色背心,襯條米白色七分褲,一身清爽打扮,仲帶左個背囊仔。
「早晨,我幫你拎丫,上車,小心...」
「早晨,等好耐呀?」
「唔係呀!咦?你帶左好多野呀?」
「唔係,啲衫來啫,去邊?」
「赤柱,坐穩喇...」跟住我就開車出發...
到左正灘,一落車已有陣陣海風吹來...
「好舒服啊!」阿珊落車第一句。
由於今日係星期五,海灘比預計中人少,換左拖鞋後,阿珊挽著我隻手一步一步咁係沙灘上行。
「你上次去沙灘係幾時?」阿珊一邊踢沙一邊行咁問。


「唔...無記錯應該係四五年前左右...」自從初戀分手後,我就係老蘭日浦夜浦,都好耐未試過咁同女仔單獨行沙灘...
「你可以帶我去海個邊呀?我想感受下啲海水。」
「好啊!來啊...」我地慢慢咁行去海度,潮水聲令佢知道我地越行越近,佢緊張咁捉實我隻手,直到隻腳掂到水一刻...
「嘩!好涼呀啲水...我地行深啲丫...」佢好開心咁拉著我手行,我地已行到啲水掂到膝頭哥位置...
「好啊...係好涼喎,咁仲涼啊!」我一手潑水去佢度,令佢件衫濕左(我當然有我既目的啦,嘿嘿...),佢亦不甘示弱向返我潑水。我地不斷向對方潑,令我地啲衫濕晒,而我亦注視到佢濕透既背心...
「你又話唔著泳衣既...」無睇錯應該係件比基尼...
「你想睇咩呀?咸濕佬!」跟住就潑水向我塊面度。
「話我咸濕?我就咸濕俾你睇!」我就撲落佢度,結果我地一齊跌落水,濕晒...
其實最蝕係我,因為我無帶衫替換,唯有係附近買衫褲,而佢就換左條淺藍色連身裙,又變返清純既阿珊。
我地係市集行街食野,一時係海邊行下吹下海風,一時又行下商場市集,最後到間西班牙餐廳食完晚飯先走。


「我整損隻手指,你有無膠布?」阿珊上左車之後問我。
「膠布?」我正褪緊車,「你前方下少少有個櫃桶,你拉開搵下...」
「咦?你啲膠布咁大塊又用鉐紙包既?」
我一睇,「啊!唔係依個,依個吹波膠來,我俾張紙巾你丫...」
好險!我想像唔到佢用個套包住手指會點...
終於送到佢屋企樓下,而阿珊亦訓著左。見佢訓著個樣,真係好可愛,嘴角仲有少少口水漬。正當我想咀錫落去時,佢咁啱醒左(可唔可以被我咀左先醒啫)...
「醒喇,到左喇...」
佢無應我,呆左一陣,跟住係我耳邊講左一句令我血脈沸騰...
已有 0 人追稿