雖然我唔係第一次帶女仔返屋企,但今次卻令我手足無措。面對著阿珊,就好似面對天使一樣,佢既光芒好似將我身上既邪念消滅一樣,而家既我就好似廢左武功咁。
係以前,係老蘭得手後,啲女大概分為以下四類:
1.熱情既一入屋就攬住咀,跟住入房或係廳搞;
2.乾淨啲既就沖涼先(有時一齊沖),跟住入房或係浴室搞;
3.矜持啲既就係廳坐陣傾下計聽下音樂,跟住入房或係廳搞;
4.係其他地方搞,例如車上。
預計阿珊應該係第三類,所以一屋就帶佢坐係梳化度,跟住問佢飲唔飲茶...
「我想沖個涼先...」估唔到佢係2...
「哦,我帶你丫...」我帶左佢入浴室,「嗱,洗手盆係度,花灑係度,沖個時趟度門得喇。我攞條新毛巾俾你。你驚既我可以陪你一齊沖嫁...」
「唔使啦,出去喇...」


跟住我就播啲柔和音樂,沖定茶等佢出來。聽到浴室開門聲,佢已著左件白色心口有卡通貓圖案既tee,長到可當裙著果隻。但重點係佢裡面好似無著野...
「好喇到我沖啦,嗱坐係度飲柸茶先,好快出來,Kitty!」
「咩呀?人地細細個就鐘意隻公仔好耐喇!笑我!」
「好,唔笑喇,沖涼...」
我極速完成沖涼洗面,出到廳,已經見佢癱左係梳化訓著。我費時整醒佢,好小心咁抱佢入房,再放佢落張床度。望住佢,真係忍唔住錫佢一下,點知就好似睡公主咁整醒左佢,但佢無講野,只係用雙手攬住我條頸再錫落我咀度。漸漸由輕吻變左做濕吻,而大家亦理所當然咁除衫。面對赤裸既佢,我應該好興奮,但而家我反而唔想,或者佢太完美,我唔想佢摧毀係我手上。
「你係唔係要吹波膠呀?」佢講笑咁問。
「唔係!我有啲累,訓啦,我咁得喇...」
我伏左落佢個胸度(好舒適),慢慢訓著...
第二朝一醒來發覺阿珊唔係床度,同時聽到廚房有啲聲,於是起身睇下。見到佢著返衫係廚房度打緊蛋...
「喂...整緊咩?」我從後抱住佢,嚇左佢一跳。


「嚇死人咩,你個雪櫃無咩野,得雞蛋,咪俾你試下女朋友煎蛋卷囉!」
「女朋友煎蛋卷?咁我咪要整男朋友炒蛋?」
「好啊,睇下邊個好啲...咦?你著返衫未?」
「未啊...」
「你有野銀到我,仲有你隻手唔好亂摸啊!」
「哈...忍唔住嘛,錫下先...」
「快啲刷牙洗面呀!」
當我洗完面後,一份完美既女朋友煎蛋卷已經整好。
「試下丫...點呀?」
「唔...我係唔係調轉左樽糖同鹽俾你呀?」


「喂!你估我糖同鹽都唔識分咩?好唔好食呀?」
「好食!有酒店級水準呀!」
「嘻嘻...到你整男朋友炒蛋喇!」
「係!遵命!」於是我就用係youtube學到既方法整炒蛋(其實太耐無整都有少少生疏),佢食完話過得去喎!跟住佢沖涼換衫返cafe,而令我最困惑係佢帶左幾多套衫同點解個背囊仔可以裝咁多野,唔通依個係叮噹既法寶袋?
當我送左阿珊返cafe之後,我就去附近行下,行到間古賣店出面時,一個熟悉既人影出現係視線范圍,我追上去想證實係唔係佢,然而佢已經向我既方向行近...
「Ken,好耐無見!」
佢就係我既初戀情人--Suki...
已有 0 人追稿