《屍寂九龍》─ 無法治癒嘅病毒喺香港爆發四小時後， 一群生還者合作逃出生天: 屍殘末路 下

根本點都死！

「喂！」

係... 軒少叫我？ 

「 你唔想衰比人睇就攞個膽出黎！」 

我… 我知... 但係我不由自主地呆在喺到！ 





無錯… 呢個道理我一早就已經明白， 我到底喺到猶豫啲乜？ 

喺身體本能令我害怕…… 我實在太膽小……… 

「妖 ！」 軒少走過黎我前面， 搶過把小刀喺我前臂界上一刀！ 

「啊！！」 

撕心嘅痛楚猶如一條線般橫拉我手， 直到我心！ 





「你做乜撚呀屌！！」 

但卻令我清醒過黎！我唔可以再做軟弱無力嘅自己！ 

軒少無理我， 只係將我手臂上嘅血沾上牆上， 我頓時明白佢想試圖引開喪屍， 但咁真係得咩？ 

黎唔切睇成果， 急促嘅腳步聲再次拉動我腳腿！ 

「喂， 快啲走啦！」 溫柔的雙手拉動我手臂， 拉我回到現實， 回到絕望屍殘末路。 





「你隻手...」 海晴呆一呆問道。 

「唔好理咁多， 走咗先！」 我轉為拖起海晴嘅手， 向陳晉等人跑去！ 

但卻令我清醒過黎！

「喝！」 軒少為倒地再起嘅女喪屍補上一棍， 再次擊低佢。

「衝過去！ 前面右邊有間房！ 入去避一避先！」 陳晉喊道， 同時帶頭迎向喪屍！

「呃啊！！ 呃啊啊！！」

「踏踏踏踏踏───」

「呃啊啊啊！！」 兩隻成身血嘅喪屍已經走到面前！ 張開雙手就撲過黎！





「我左你右！」 陳晉向權哥叫道， 一腳踢開黎到嘅喪屍！ 權哥則用棍推喪屍埋牆， 一時之間擊唔開佢！

我快步跑上去， 舉起刀瞄向喪屍頸部！

「吼啊啊啊啊啊！！」

喪屍回頭瞪向我！ 一見到我近在咫尺嘅頭顱就不停掙扎想咬我， 佢張開流住血嘅牙齒！ 血同唾液都噴向我面孔！

「嘿！」 我用力打橫切向喪屍條頸， 用力切幾下後喪屍掙扎動作終於慢落黎！

權哥頓時用棍推開喪屍再補上一腳踩低佢， 喪屍卻仍慢慢掙扎企起身！

「走！」 留低一句， 權哥就向前方跑去！





我拉住海晴， 跟住前面三個人一同奪命狂奔！

「佢追上黎啦！ 快啲跑呀！」 海晴轉頭望一望， 之後大叫！

「快啲！」

「知啦！！」

「吼啊啊啊啊啊啊啊！！！！」

「仆街！ 前面仲有好多跑緊過黎！」 軒少大叫， 前面真係有好多喪屍！ 但可幸嘅喺佢哋暫時仲係分幾隻幾隻跑過黎！

血屍誇張地搖擺雙手， 邊發出並非正常人類叫喊嘅怪吼， 極其詭譎地追過黎！

「呃啊啊啊啊啊啊───」





「喂軒少過返黎後排幫手啦！」

「唔好！」 陳晉急聲叫道， 軒少都無回頭幫手！ 再係咁後面追到黎我同海晴死硬 ！

「陳sir！ 後面追到黎啦！」 呢個時候安唔安靜都已經無用！ 我直接大叫向陳晉求救！ 依加前行速度只係勉強屬於跑步嘅速度！ 但身後嘅感染者們卻係奪命狂奔！

「吼啊啊啊啊啊啊啊！！」

「細路你頂住後面！ 前面開唔到路我哋同死無分別！」 權哥急聲大喊， 陳晉都叫上軒少， 「軒少你過埋黎幫手開路！」

「仲差少少就到前面間房！」

「吼嘔嘔啊啊啊啊啊！！！」 





 「頂！！」 兩隻喪屍一前一後正從後方急追而黎！ 剛才嘅女喪屍已經撲到過黎， 發出令人心寒嘅叫聲！

「吼呱哇啊啊啊啊啊啊！！！！！！！」 

我擰轉身！ 喪屍舉起雙手， 與我相差一米左右， 卻打開雙臂張開血嘴向我撲黎！

「呀！」 我無辦法再退！ 後面就係海晴！ 我只有閃避去牆邊， 呯一聲背部撞上牆壁！ 果然喪屍無放過第一眼見到嘅獵物， 繼續轉身向我抓黎！

「嗚……」 我反應唔切， 未及時再次避開！ 女喪屍推我向牆， 牙齒已經佔據咗我視線一大半！ 我亦第一次聞到喪屍嘅腐臭味！

危急之下我只黎得及捉實右手把刀， 由下向上揮上去！ 無論係插佢又好， 擋住佢咬我又好， 我只想離開呢隻喪屍！

好彩把刀僅僅揮得上去擋喺喪屍個口前面， 我馬上雙手捉實把刀死力向前頂！

佢力氣好大！ 刀緊緊深入女喪屍嘴唇， 但佢完全唔理刀鋒， 只係一尾用力向前推， 佢嘅嘴唇已經被刀刃割破， 暗紅色嘅血流得更多！

「吼哼哼哼哼哼哼啊啊啊！！」

「依呀─── 依呀依呀─── 依依呀─── 依呀」

刀鋒割破佢嘴唇後， 佢無停止只係繼續張口， 不停開口想咬野嘅牙齒喺我把刀上面刮出令人起雞皮嘅刺耳聲！

女喪屍雙目掙得極大， 我清晰見到佢眼入面已經全部爆曬嘅微絲血管， 血流滿面甚至流到我臂上！

「幫我呀！」 我嘗試舉腳踢開佢， 但佢嘅下半身用力壓實我， 我根本無辦法出力！

「插佢！ 插佢呀！」 喺海晴把聲！ 我眼前見到一把黑色電筒隊瞄準女喪屍開口一刻隊入去， 喪屍個口一時之間被卡住！ 但我怕移開把刀！ 我怕喪屍會一口咬落黎！

「快啲插佢呀！」 海晴再次嬌聲喊道， 我眼尾見到佢用力去扯住喪屍腰條皮帶， 想將佢拉離開我……

「呀！！」 我唔理得咁多！ 無時間無得再比我優柔寡斷落去啊！

我用力將刀向下界一下， 喺喪屍個頭到我面前之前用最快速度向前插！ 刀鋒碰到硬物， 我再用盡全力打橫拉！

「哼啊啊啊啊啊啊啊！！！」

唔得……！ 把刀切唔斷佢條頸骨！

咦……？？ 喪屍被拉開咗少少距離…

我馬上起腳用盡全力踢向佢心口， 順勢拉出把刀。 女喪屍就面朝地咁被我踢向地下！

「走啦！」 我看見海晴雙手仲捉實女喪屍腳踝， 喺海晴拉低咗佢！

我馬上跨過喪屍同時一腳踏向佢個頭， 希望可以阻多佢一陣！

我拉起海晴一齊向走廊深處跑， 軒少佢哋走得唔遠只係喺我哋兩、 三米前面， 見到權哥不停揮起滅火筒擊退喪屍， 但仲未見到間房！

「間房喺右邊！！ 我哋頂住堆屍！ 細路你去開門！ 」 軒少大叫， 我馬上與海晴跑到佢哋身後！ 佢哋一邊踢一邊推開兩、 三隻喪屍， 右邊終於見到門鎖！

「咔咔──」

仆街！ 鎖咗！

道門擰唔開！！

「鎖咗呀道門！」

「唔撚係呀！」

我轉過頭望向權哥佢哋， 希望佢哋可以爆開道門， 但係……

我只係望見有至少五隻喪屍迫向權哥佢哋三個嘅防線！ 三人完全無閒理我！

我舉起手上把刀， 瘋狂向門縫隙不停撬不停撬！ 但喪屍已經離我哋只有不到四米， 呢一刻只可以解決右邊嘅喪屍先可以開門！ 但我仍然抱有一絲幻想， 希望能夠喺下一秒撬得開道門……

但可惜依然開唔到道門！

「陳sir你有無鎖匙呀！」 海晴著急地問， 陳晉吃力地推開一隻喪屍， 頭也不回回答，

「無！」

「頂唔住啦！！」 一隻喪屍咬去軒少手中嘅警棍， 幸好佢反應快縮開手， 但五隻喪屍本來已經太多！ 軒少武器脫手更加無能加擊退佢哋！

「細路頂我個位！ 我去撞門！」 權哥拋下警棍， 只係手持滅火筒， 我馬上走上前執起佢把警棍！ 但一時之間權哥並未能脫身！

「吼吼啊啊吼啊啊吼啊啊吼啊啊啊啊啊啊啊啊啊啊 ！！！！！！！！！」

軒少岩岩側身挨喺牆閃避藍警服喪屍嘅撲擊， 但喪屍馬上轉身， 半身傾斜地抓實軒少雙手！ 而軒少正正用雙手頂實喪屍肩膀， 開合開合嘅牙齒聲令人恐懼！

「呃吼嘔嘔啊啊啊啊啊啊 ！！ ！！！！！！！！！」

「軒少！ 你去撬門！」 我掉低把刀喺門口， 拎住把警棍就衝上去用力大腳勾向喪屍重心不穩嘅腳步！ 喪屍隻腳本來就半離地， 被我一腳之下就失足跌向軒少身上！

「呯！」 軒少身手敏捷， 瘦長嘅手腳令佢及時走開， 馬上跑向門邊！

依加只能期望古惑仔嘅軒少識得撬門！

身後再次傳黎腳步聲， 儘管我好想轉過頭！ 但眼前嘅喪屍容唔得我分心！ 

「吼啊啊啊啊啊啊！！！」 佢已經再次爬起身！突然聽到喺身後嘅海晴一聲尖叫驚呼， 我忍唔住馬上回頭望… 後方嘅兩隻喪屍已經爬起身！

我哋已經走投無路！！