[惡搞無極限] 就係咁，我同幾個豬朋上左大陸獵金: ８８ 橫店著草無野做
我呆左咁望住我眼前果兩位兄弟，問佢地：「點解你地會黎ＧＡＹ吧架？」
佢比我咁樣一問，好尷尬咁解釋：「無，我地兩個參加左個自由行上左黎玩下，個導遊話今晚帶我地去玩，點知黎左呢間吧囉⋯⋯
我地兩個無野架，你唔好亂諗啊，我同佢都係百分百鐘意女人既色情狂，OK？」
佢地十分強調最後果PART。
「但係⋯⋯」佢地好淫邪咁望坐我，「估唔到著草上黎會係度搵食。」
佢地望住阿俊，又話：「明既，有個咁喪既女朋友，中途轉機都係情有可願，但點解你新Panter咁熟好面既？」
「你地up咩春啊，佢未係果晚打邊爐，講數時鬧爆我果條友囉。」我答。
佢地兩個一臉難以置信，「你地竟然搭上左！？」
阿俊係旁邊聽到忍無可忍，「你呢兩個FD 係未ON9架，我同佢都係百分百鐘意女人既色情狂，我係因為有D事要著草，又咁岩撞到佢姐。」
跟住我地四個人坐埋一齊吹左陣數，介紹左勞斯萊斯比佢地識，同埋講下著草呢兩日既野佢知。
而講到中途，我同阿俊一齊去廁所，兩個人係小便時，佢開口話：「果晚我聽到你同勞斯萊斯講既野。」
「咩野？」
「你話你老豆留左批金比你果單野⋯⋯」
「咩話！？」 我好震驚咁轉左個身望住阿俊，但係我正處於小便當中⋯⋯
「頂你果肺！你小便就唔好擰黎擰去啦！對準前面好唔好啊！」
無錯，我唔小心直擊左阿俊。 但佢今時無起火，佢好平心靜氣咁講，「橫店著草無野做，不如我地去搵批金出黎。」
我聽到阿俊咁講，又擰左個身對住佢⋯⋯