出返去,我果兩個兄弟望住阿俊,「你係廁所玩水啊?」

佢地咁問,係因為阿俊條褲比我整濕左……
 

「一言難盡……」阿俊無奈地望住我,「我以後唔會同你一齊去廁所。」 

呢一晚,我地四個男人好似一見如故咁講左好多野,阿俊將佢自己點解要著草既事情話左比我果兩個兄弟知,笑到佢地仆街,而我個兩位兄弟都不停咁爆阿欣點對我D野比佢知,佢一樣完後笑到仆晒街。 

我地就好開心咁過左呢一晚,而阿俊亦都有提到去搵批金果單野,而我果兩位兄弟又竟然有興趣。 





但係講就天下無敵姐,要搵批金WO,可以去邊度搵,又應該由邊度入手我地識條鐵咩。 

我果兩位兄弟無返到酒店,係GAY吧果度過左一晚,傾到兩三點,大家都訓晒,而我就係窗邊望住個月光,然後開著部電話。 

阿欣覆左我MSG,今次只係一句,無之前成千幾句咁多。 

阿欣:小心D,好掛住你。 

我一直以來都無覺得阿欣會咁可愛,可能,人到困難時先會知道身邊既人真面目係點。





而我都覆左阿欣一句後,就去左訓,而內容係。
 

我:我都好掛住妳。 

但過左今晚,發生既事有去到另一個境界……
已有 0 人追稿