[惡搞無極限] 就係咁，我同幾個豬朋上左大陸獵金: ９０ 又一個由破壞既開始
「轟！！！」邊個晨早流流係出面咁嘈啊。
「轟！！！」仲嘈ＷＯ，尋晚好夜訓啊大佬。
「轟！！！」我忍唔住彈左起身走到窗旁邊，望一望邊鬼個咁大膽晨早流流嘈住本大爺訓覺。
但當我行到窗邊一睇，只見到數十架電單車衝左入條巷，一架電單車上面坐左兩個人，坐係後面果個人手上仲拎住木棍。
我見到咁既形勢，即刻叫醒左我果兩位兄弟同阿俊，「喂！下面好似好大陣像啊。」
我叫左好幾聲佢地先肯走過黎睇。
「搞咩？」其中一位兄弟阿輝問。
「係囉？有ＳＨＯＷ睇啊？」另一位阿倫又問。
而我同阿俊就無出聲，可能心諗都係同一樣野，ＭＡＮ姐。
「快Ｄ去搵勞斯萊斯問問點解會咁。」阿俊話，然後我點一點頭同佢走出門。 就係我同佢行出個門口果陣，一段段打爛野既聲音傳出。
「果班人原來係黎搞破壞架！」阿倫驚呼。
唔得，要快Ｄ去搵勞斯萊斯！