[惡搞無極限] 就係咁，我同幾個豬朋上左大陸獵金: ９１　兩邊的叫囂聲

我地四個走到落間ＧＡＹ吧，已經見到一大堆人分成兩邊，一邊係勞斯萊斯，而另一邊果班人，暫時睇唔出係同邊個有關。 

一落度去，我地當然係埋堆先啦，我地四個行左去勞斯萊斯果邊，而阿俊就問勞斯萊斯：「佢地黎踩場架？」 

勞斯萊斯點一點頭，然後話：「應該係ＭＡＮ姐Ｄ人。」 

就係呢個時候，另一邊既其中一個人就話，今日ＭＡＮ姐吩咐，唔可以比你行出呢間吧。」

佢對住勞斯萊斯講緊。





而我呢Ｄ想事不關已既人，當然同兩個兄弟有咁後企咁後啦，除左阿俊呢個正牌古惑仔企係最前叫囂，同埋，咦，咩事阿倫佢唔見左。 

「喂，你覺唔覺今日呢個場面同果晚打邊爐好相似。」阿輝同我講。 

「邊晚？」我問。 

「同阿嫂打邊爐果晚啊。」 唔講唔覺，一講又有少少覺。 

「咁你地兩個人係咩要好似果晚咁走先？」

我寸佢地咁問。 係呢個時做，阿倫唔知係邊度出返黎，「我搵過晒無路走啊。」 

你呢兩條仆街Ｄ義氣真係多度呢。 

而一輪叫囂後，ＭＡＮ姐果邊Ｄ人好似有Ｄ郁動，好似係向左右兩邊讓開緊條路出黎。 

原來佢地係諗住讓條路比ＭＡＮ姐行。 但係當我見到ＭＡＮ姐，第一時間係呆左，而我聽到企左係最前果個阿俊，驚叫左出黎：「唔撚係啊！！！」