[惡搞無極限] 就係咁，我同幾個豬朋上左大陸獵金: １０２　你手車⋯⋯

上到架車度，「你得唔得架？」我問住係司機座既阿倫。 

「你對我有D信心好唔好呢，話晒我都你頭文字D排行榜上頭三名，我手車一定好穩陣。」佢好有自信咁講。 

「咁你仲唔開車？」坐係佢隔離既阿俊話。 

「好⋯⋯」阿倫好似係度搵緊D唔知咩野，「⋯⋯個手制係邊呢？」 

「係你右手邊啊。」 





「個油門好似無咩反應⋯⋯」 

「你都未撻匙架車點識郁WO！」 

「係WO⋯⋯波棍呢？」

 「手制旁邊囉！」 

阿俊佢擰住面望坐我同阿輝話：「你地兄弟店唔店架？」 





我地冷笑左幾聲，「你見我地唔在前面就知啦⋯⋯」 

「你地唔早講，但其實佢唔店坐前坐後有咩分別？」 

「你望住佢揸車未仲驚。」

我地幾個不留情面咁討論，而阿倫就話：「我在場聽到晒架，你地用眼神講啦唔該。」