[惡搞無極限] 就係咁，我同幾個豬朋上左大陸獵金: １０７　好奇心

「咁快到集散中心既！」阿輝望要部電話大叫左出黎。 

無係淘寶買開野既我地，問阿輝咩事，而阿輝話：「順豐手腳好快架，而家到集散中心，咁姐係話下一站可能到佢地既營業站，一到營業站就會安排人送貨架拿。」 

「姐係話我地要爽Ｄ手啦？」阿俊問。 

「咁大家快手上車。」阿倫已經跑返去架車到，而我地都跟在上去。

 而一上到車，阿俊問我地：「其實你地有無睇過我地送緊Ｄ咩？」 





我地三個都搖一搖頭。 

「都係開車先啦咁。」佢又話。 

阿倫拎返部電話，然後開返個高德地圖，「阿俊兄終於可以正常咁坐返車。」佢笑住咁講。 

開左車，阿俊就繼續頭先果個話題。 

「你地唔想知道批貨係Ｄ咩？」佢問。 





我就真係唔想知，知少一樣好過，但點知我果位兄弟。 

「其實我想架，但我見你地又無出聲，我未唔講囉。」阿輝話。 

「我都想，但我揸緊車，你地三條友一個就掛住ＨＩＧＨ，另外兩個又無聲出，我未唔理囉。」阿倫話。 

「咁不如，我地打開個袋睇下好唔好？」阿俊話，然後佢地三個人竟然係望住我。

咩啊！？要我打開個袋！？你地咁想知你地自己唔開！？