[惡搞無極限] 就係咁，我同幾個豬朋上左大陸獵金: １０８　我地運緊Ｄ咩？

 「乖啦，快Ｄ開啦。」

我搖頭。

「個袋而家問近你，你開啦。」

我勁搖頭。

「開左大家可能有著數呢，開啦。」





我不斷搖頭。

點解佢地係都要我開，自己又唔開……但我最後都係比佢煩到就範，問左個袋。我頭後座既阿輝睇左睇個袋入面裝住既野，呆左。

「咩黎架？」阿俊係度問。

你地估都估唔到，原來成袋野都係假撚……係啊！係假撚啊！而且唔只得Ｄ假撚！仲有好多震蛋啊。

我拎起左幾個向住阿俊同阿倫展示，佢地見到都笑左出黎。





「唔係掛，阿ＭＡＮ姐原來係成人用品制造商啊。」阿倫笑住咁話。

「會唔會係咁簡單啊，聽佢話比人睇住晒佢好難出貨，又唔似剩係得呢Ｄ　ＷＯ。」阿俊話。

咁我又有少少認同阿俊既講法既，因為如果真係運呢Ｄ野，跟本唔駛迫我地去運啦，佢自己咁多人是但搵過去都得。

我同阿輝再搵一搵個袋入面既野，都只係繼續搵到一大堆成人用品。

「真係清一色成人用品ＷＯ。」阿輝話。





「一定唔係咁簡單既。」阿俊繼續咁講。

「咁你不如自己睇拿。」阿輝扔左支假撚比阿俊，而阿俊就望住支假撚係度撿查。