其實著草幫人帶貨既或然率應該好細,而家我仲幫帶兩次貨,就係細上加細,我諗我有機會返都香港既話,應該即刻返去買返張六合彩先得。

我慢慢行近眼前個貨VAN,係我身後面既俊就不停既撩時興隆講野,但時興隆理佢都有味。

阿倫同阿輝就拎住果兩袋野,不停係度嘈話果兩袋飛機杯好重。

搬左D貨上車,坐司機位既時興隆就話:「一陣我開車時你地未咁多野講,唔好影響我揸車。」

呢個一定啦,我不嬲都好認同唔可以騷擾D司機揸車既。但另外果三個就唔知拿。





而家既情況係咁既,我同阿倫及阿輝住係後面,而阿俊就坐係時興隆旁邊,而時興隆就拎左部電話出黎,好似唔知整咁D咩咁。

阿俊見到佢咁,就扮晒紳士咁問:「靚女,有咩可以幫到你?」

「你收聲就當幫我手。」時興隆不留餘地咁講,然後就話:「個高德地圖去左邊呢?」

「咩話!?又高德地圖?」阿俊聽到後心知不妙,然後我地後面幾個笑到痴左咁。

阿倫就問:「時興隆姐,你個高德地圖用咩聲架?」





然後時興隆終於搵到隻APPS,開左之後第一句係:「你好,歡迎使用高德地圖。」

係一把好正常既男人聲。

未玩啦,又志玲姐姐,你地唔厭我都厭啦,更何況你地比志玲姐姐休息下好唔好。

聽到係把男人聲後,阿俊佢好似如釋重負咁講:「出發啦。」
已有 0 人追稿