[惡搞無極限] 就係咁，我同幾個豬朋上左大陸獵金: １４２　突破左絕對領域

其實成程車真係無啦野好講，因為我地真係無傾過計咁滯，個個都係度你眼望我眼咁，一係就睇下車出面既風景。

因為，我地怕一出聲，會比而家係司機位，進入左瘋狂狀態既時興隆小爆。

係啊，佢已經進入左瘋狂狀態，突破左絕對領域，佢同架車既同步率簡空係百分之一千。

我地幾個都捉到身邊可以扶既野實一實，因為……你可以想象下一架ＶＡＮ仔係條高速上面唔理其他車輛左右飄移閃開晒Ｄ對頭黎緊既車……

係啊！係對頭黎緊啊！點撚解佢要揸架車上對頭車條路上面！我地又唔係比人追緊，更加唔係追緊人。





唯一可以用來做借口既你，佢真係好趕時間。

但係送呢批貨，又咁趕咩。

就係充斥住好多比我地過左既對頭車所向我地表達不滿既響安下，我個腦又一個問題……點解有架車係高速上面開成咁，都可以無警察……

「阿賢……」好耐無講既野既阿輝開聲講：「你有無覺得呢個時興隆，同你條女有Ｄ似。」

唔撚係掛，佢地兩個樣兒同身材都係唔同，點撚樣似啊……致於點唔同我就唔講啦。





「你ＵＰ咩春啊，都唔撚似。」我用我最細既聲線回應。

「我諗佢講個性啊，一樣係喪既。」阿倫搭咀，而我就望一望倒後鏡內反射左時興隆個樣，佢而家果種瘋狂既笑法，就同阿欣同我玩遊戲一樣，好恐怖……