[惡搞無極限] 就係咁，我同幾個豬朋上左大陸獵金: １６４　阿妹的回憶（１）

（以下係以時興隆第一人稱）

我仲記得，係我細個果陣，屋企好細，一張簡單既床，一張唔多穩陣既木枱、木櫃，仲有就係唔同大小既玻璃大樽。

每日，我都會係我媽媽既大叫下起身，每次一張開眼，我都會望住穿左既天花，然後行出屋企，去到前面既一小片空地，見到媽媽已經整緊佢自家制既鹹柑桔，仲有旁邊曬緊既陳皮。

「早晨……」我刷住睡眼同我媽媽講。

「快Ｄ自己去拎早餐食。」仲忙緊既媽媽話。





爸爸佢成日都唔係屋企，應該話爸爸一年入面只會有十幾日係屋企，因為媽媽話爸爸好忙，要賺多Ｄ錢返黎養我，所以我無怪過爸爸唔陪我，仲好珍惜我同佢既時間。

「爸爸係未今日會返黎啊？」呢個問題我每日都會問我媽媽，但佢每日既答案都係一樣，「如果可兒乖既話，爸爸未返黎睇妳囉。」

我媽媽次次都係出呢招。

係細個果陣，我唔係好明點解媽媽同我講既語言，同住係屋企附近既人講既語言唔多同，而且佢都好堅持我要學佢果種語言。

所以，我細果陣，無咩朋友，住係附近既細佬會成日話我好怪，每次當我唔開心果陣，我都會拎出爸爸送比我既公仔，一隻紫藍色既驢仔，我記得我係有次同爸爸睇卡通片果陣，見到呢隻野好得意，同爸爸話想要後佢買比我。





爸爸話，呢隻野叫依唷。

而唔知點解，我覺得我好似佢……又或者係，佢好似我。