呢一段時間係我一生中最開心既日子,爺爺佢買左好多時興隆比我食,我果陣仲未識得果三隻字,都係爺爺教我架。

我仲鐘意食度同佢地講:「我要改個名叫做時興隆。」

「點解啊傻豬。」佢地笑住咁問我。

「因為時興隆好好食。」我傻笑住回答佢地,細過果陣,做咩野都無諗咁多,只要係自己鐘意,以及有屋企人陪住我,就已經可以開心好耐。

而我記得最開心果次,係方叔叔佢帶左部相機黎,我一生第一次見到相機,就係果次。





「方叔叔,呢個係咩黎架?」我問。

「呢個?」方叔叔好得意咁拎住部相機,禁左幾個制,令到個鏡頭前反郁,果陣既我覺得好新奇,「嘩!好勁啊!」

然後方叔叔拎左個三腳架出黎,爸爸就拎左張木椅,叫媽媽坐住,然後再叫我過去,媽媽一手抱起左我,果陣我都唔知發生咩事,只係聽媽媽話笑住望住前面部相機,而爸爸同爺爺就企左係媽媽兩邊。

「好,望住呢邊……笑。」方叔叔既說話,再配上一下既閃光燈,呢一張係我地第一張既全家福……

呢一個係我同爸爸最開心既回憶。





但係,呢張亦都係我同爸爸唯一一張一齊影既相……
已有 0 人追稿