[惡搞無極限] 就係咁，我同幾個豬朋上左大陸獵金: １６８　靜寂的夜？

我眼定定望住而家既時興隆，我阿妹，佢抱住左個枕頭，縱然佢係露出一個幸福既微笑，但係眼淚都係由眼角滑下。

「呢個就係我同爸爸最開心既回憶。」佢擦一擦眼淚，然後就問我：「咁阿哥你呢，阿爸同你係點相處架。」

比佢咁樣一問，我都唔知點答佢好，係我心目中既阿爸，佢只係一個掛住做野，唔多係屋企既人，就算我讀書點，幾時開始學結他，佢都無過問，最常聽到佢講既野，就只有呢幾句，「走拿我」、「拜拜」、「記得聽話」……而最長果句，就係佢最後同我講既說話。

如果講到最問心既……應該係……「阿爸佢送個一把結他比我。」係，無錯，我同阿爸最開心既回憶，就係佢知道我識結他之後，送左一支比我。

「嘩！阿爸對阿哥真係好！」阿妹佢用一個好羨慕既眼神望住我，不過，係未真係咁好？





「仲有呢？仲有呢？」阿妹不停咁追問，但係我真係再諗唔到有咩野特別既回憶係開於我同阿爸，甚至，我有Ｄ羨慕返阿妹，可能佢同阿爸相處，仲融合過我同阿爸。

阿妹追問之下，我都只可以是但諗個方法，「都有少少夜，我有Ｄ肚餓，不如叫埋佢地去食野好唔好啊？」

阿妹聽到後，點頭話：「好啊。」

其實自從時興隆認左我係阿哥之後，睇下睇下，其實佢同其他女仔無咩分別……起馬係我面前佢係，佢係我面前喊過、笑過，但係一見到我班兄弟果陣，就變返本來既佢。

可能，佢係想表現到唔會比人傷害到佢掛。





只不過，阿俊同阿倫仍然係對時興隆係我阿妹抱有好大既疑惑。

餐飯氣氛……唔好提，係無言語中度過，不過，我同我班兄弟唔講野都溝通到，點解？眼神交流嘛。

我地用眼神關流下，我出今晚要我去佢地度，諗諗要點去阿妹屋企拎批金。